U suviazi z pryznačeńniem prezidenckich vybaraŭ na 19 śniežnia, šmat kaho zacikaviła infarmacyja ab nadvorji — jakim jano budzie ŭ śniežni?
Jak paviedamiła «NN» hałoŭny sinoptyk Biełhidramietcentra Volha Fiadotava, sioleta ŭ śniežni čakajecca siaredniesutačnaja tempieratura ad 3 da 5 hradusaŭ nižej nula. «Kankretnych dadzienych u nas pakul niama. Doŭhaterminovy prahnoz my pačniom składać tolki ŭ kancy miesiaca, kali atrymajem nieabchodnyja dadzienyja ad našych rasijskich kaleh. Pakul možna havaryć tolki ab siaredniaj tempieratury dla Biełarusi. Druhaja pałova śniežnia ŭ nas zvyčajna mienavita takaja — -3 -5 hradusaŭ», — paviedamiła V.Fiadotava.
Hałoŭny sinoptyk taksama adznačyła, što pry niekatorych umovach tempieratura moža panizicca navat da -15 hradusaŭ, adnak dla biełaruskaha śniežnia heta nie charakterna. «U Biełarusi značna bolš šansaŭ mieć adlihu, čym marazy», — zaznačyła śpiecyjalist.
