19 śniežnia adbuducca vybary prezidenta. Chto budzie pretendavać na pasadu prezidenta?
Alaksandr Łukašenka.56 hadoŭ. Naradziŭsia ŭ Kopysi (Aršanski rajon). Apošnija 16 ź jakich zajmaje pasadu kiraŭnika Biełarusi. Pakul nie było nijakich namiokaŭ, kab Łukašenka admoviŭsia ad udziełu ŭ vybarach. Takim čynam, jon moža pajści na čaćviorty termin. U Łukašenki troje synoŭ. Z žonkaj Halinaj žyvie asobna, choć i nie raźviedzieny.
Alaksandr Milinkievič.63 hady. Naradziŭsia ŭ Hrodnie. Lider Ruchu «Za Svabodu». Adziny kandydat ad apazicyi na minułych prezidenckich vybarach, dzie atrymaŭ 6% hałasoŭ pavodle aficyjnych dadzienych (18% pavodle niezaležnych apytańniaŭ). Nie vyklučana, što Milinkievič zdymiecca z vybaraŭ. Žanaty ŭ druhi raz, maje dvuch synoŭ.
Uładzimir Niaklajeŭ.64 hady. Naradziŭsia ŭ Smarhoni. Lider hramadzianskaj kampanii «Havary praŭdu». Paet. Pra svoj udzieł u prezidenckich vybarach zajaviŭ u efiry radyjostancyi «Echo Moskvy». Žanaty paŭtorna, maje dźvie dački.
Andrej Sańnikaŭ.56 hadoŭ. Naradziŭsia ŭ Minsku. Kaardynatar hramadzianskaj kampanii «Jeŭrapiejskaja Biełaruś». Napiaredadni vybaraŭ fihura Sańnikava była adnoj z najbolš raskručanych u zamiežnych ŚMI. Žanaty ź viadomaj žurnalistkaj Irynaj Chalip, maje dvuch synoŭ.
Aleś Michalevič.35 hadoŭ. Naradziŭsia ŭ Minsku. Uznačalvaje sajuz «Za madernizacyju». Źbirajecca aryjentavacca padčas vybaraŭ na ludziej, jakija raniej nie byli zaanhažavanyja ŭ palitycy. Žanaty, maje dźviuch dačok.
35 hadoŭ. Naradziŭsia ŭ Babrujsku. Sustaršynia Partyi Biełaruskaja chryścijanskaja demakratyja. Svoj udzieł u vybarach paćvierdziŭ 12 vieraśnia na źjeździe partyi. U vypadku nierehistracyi budzie zaklikać da bajkotu. Žanaty, maje dačku.Vital Rymašeŭski.
Jarasłaŭ Ramančuk.44 hady. Naradziŭsia ŭ pasiołku Sapockin (Hrodzienski rajon). Namieśnik staršyni Abjadanaj hramadzianskaj partyi. Ekanamist. Na vybary idzie ź libieralnaj prahramaj «Miljon novych rabočych miescaŭ». Niežanaty.
Ryhor Kastusioŭ.53 hady. Naradziŭsia ŭ vioscy Ciachcin (Białynicki rajon). Namieśnik staršyni Partyi BNF. Maje samuju prazachodniuju prahramu z usich pretendentaŭ: abarona nacyjanalnych kaštoŭnaściaŭ i ŭstupleńnie Biełarusi ŭ NATO. Žanaty, maje traich dziaciej.
44 hady. Naradziŭsia ŭ Homieli. Pieršy namieśnik staršyni Biełaruskaj partyi «Zialonyja». Žonka ad pieršaha šlubu pamierła. Sioleta žaniŭsia ŭ druhi raz. Maje dačku.Jury Hłušakoŭ.
Siarhiej Hajdukievič.56 hadoŭ. Naradziŭsia ŭ Minsku. Staršynia Libieralna‑demakratyčnaj partyi. Udzielničaŭ u dvuch papiarednich prezidenckich vybarach, dzie niaźmienna zajmaŭ treciaje miesca. Nazyvajecca stałym sparynh‑partnioram A.Łukašenki. Žanaty, maje dvuch synoŭ.
Viktar Ciareščanka.60 hadoŭ. Naradziŭsia ŭ vioscy Dubroŭka (Krasnapolski rajon). Staršynia rady Asacyjacyi małoha i siaredniaha pradprymalnictva. Sam Ciareščanka pazicyjanuje siabie jak «nieradykalnaha apazicyjaniera». Zadača — trapić u pieršuju trojku pa vynikach hałasavańnia. Žanaty, maje dźviuch dočak.
0
0
0
0
0
0