Miezin: Atmaśfiera ŭ kamandzie vydatnaja

«A chakieisty z kožnaj hulnioj vystupajuć usio lepiej».

Pra heta zajaviŭ 8 vieraśnia ŭ Minsku na pres-kanfierencyi, pryśviečanaj startu «Dynama-Minsk» u novym siezonie Kantynientalnaj chakiejnaj lihi hałkipier Andrej Miezin.

U pres-kanfierencyi, što prajšła ŭ kanfierenc-zale«Minsk-Arena», uziali ŭdzieł hałoŭny trenier «Dynama» Marek Sikora, kapitan kamandy Jozaf Štumpieł, što pierajšoŭ z kazachstanskaha «Barysa», i varatar zbornaj Biełarusi Andrej Miezin.

M.Sikora zaznačyŭ, što zadavoleny pracaj hulcoŭ u pieradsiezoncy, a taksama tym, što pakul abychodzicca biez traŭmaŭ, choć vyniki trenirovačnych matčaŭ byli admoŭnyja [tak, na turniry ŭ Čarapaŭcy «Dynama» sastupiła va ŭsich troch matčach — 0:6, 3:4, 4:5].

Skład na pieršuju hulniu — jana projdzie ŭ Minsku ŭ čaćvier ź nižaharodskim «Tarpieda» — pan Sikora vyznačyŭ, ale nazvać admoviŭsia: «Bo zaŭtra z ranicy treniery supiernika buduć u kursie».

«Hałoŭnaje — zabić, a tam moža źjavicca ŭpeŭnienaść»,

— skazaŭ češski śpiecyjalist dy vykazaŭ zakłapočanaść składanaściu kalendara. «Što mianie chvaluje?

Mianie chvaluje toje, što my z pałovy kastryčnika da kanca listapada 13 matčaŭ hulajem u pajezdkach. Heta vielmi kiepska,

tym bolš [z kamandami] Zachodniaha dyvizijona». Try z hetych matčaŭ projduć u Babrujsku (27, 29 i 31 kastryčnika). «Tam dobraja atmaśfiera, tam nas buduć padtrymlivać. Ale [ŭ Minsku]

heta našy raspranalni, naš lod, našy borty», — padkreśliŭ pan Sikora.

Andrej Miezin zaznačyŭ, što atmaśfiera ŭ kamandzie cudoŭnaja, a hulcy matč ad matču hulajuć usio lepiej i zładžaniej. Pazityŭnym momantam znakamity biełaruski hałkipier nazvaŭ toj fakt, što pierad kamandaj, u adroźnieńnie ad minułaha siezona, staić nie piać zadačaŭ,

a adna asnoŭnaja — vychad u plej-of.

Na pres-kanfierencyi była zakranuta tema i prablema varatara Vitala Kovala, što za niekalki dzion da pačatku siezona, padpisaŭšy kantrakt «Atłantam».

Miezin zaznačyŭ, što Kovala možna zrazumieć, vidać na toje byli važkija pryčyny.

«Sychod Kovala — heta jak kavałačak ad kamandy advaliŭsia, ale jaho možna pavažać, heta jaho vybar».

A voś Marek Sikora skazaŭ, što nie pamiataje, kab varatar za dziesiać dzion da startu pakidaŭ kłub. Druhim varatarom u kamandzie budzie Mika Oksa, ale ciapier viaducca pošuki i treciaha bramnika. Proźviščy kandydataŭ Mareka Sikora nazvać admoviŭsia.

***

Svoj pieršy matč «Dynama» praviadzie ŭ čaćvier, 9 vieraśnia, hulnioj suprać «Tarpieda» (Nižni Noŭharad) na «Minsk-Arenie». Pačatak, a 19-j.

U subotu, 11 vieraśnia, hulnia suprać jarasłaŭskaha «Łakamatyva» (17:00), potym — try hulni na vyjeździe, 21 vieraśnia ŭ Minsku — matč suprać «Ak Barsa».

***

U 3-m čempijanacie KCHŁ voźmuć udzieł 23 kamandy, raźbityja na Zachodniuju (dyvizijony Babrova i Tarasava — 11 kamandaŭ) i Uschodniuju kanfierencyi (dyvizijony Charłamava i Čarnyšova).

«Dynama» budzie hulać u dyvizijonie Anatola Tarasava razam z «Łakamatyvam», «Tarpieda», «Atłantam», «Sievierstallu», «Viciaziam». U rehularnym čempijanacie z pradstaŭnikami svajho dyvizijona kožny kłub praviadzie pa čatyry sustrečy (dźvie doma, dźvie ŭ haściach) i z pradstaŭnikami inšych dyvizijonach — pa dźvie sustrečy. Usiaho kožnaja kamanda praviadzie 54 hulni (27 doma, 27 — u haściach). U plej-of vychodziać pa vosiem lepšych kłubaŭ z kanfierencyi.

Letaś «Dynama» ŭ Zachodniaj kanfierencyi finišavała na 11-m miescy, jašče za piać hulniaŭ da kanca rehularnaha čempijanatu straciŭšy navat tearetyčnyja šancy na plej-of.

***

Padčas pres-kanfierencyi Andrej Miezin zajaviŭ, što pravał minułaha čempijanatu ŭ tym, što nie dali spakojna hulać.

«A ciapier umovy lepšyja».

0

0

0

0

0

0

Aleh Hardzijenka

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH