U stalicy budzie stvorana intelektualnaja transpartnaja sistema (ITS), paviedamiŭ napres-kanfierencyi 8 vieraśnia staršynia Minharvykankama Mikałaj Ładućka.
«Kab uparadkavać pracu hramadskaha transpartu, pavialičyć adkaznaść vadzicielaŭ indyvidualnych transpartnych srodkaŭ, skaardynavać pracu, pavialičyć prapusknuju zdolnaść vulic, pryniata rašeńnie ab stvareńni ŭ Minsku kompleksnaj intelektualnaj transpartnaj sistemy», — skazaŭ Ładućka.
Pavodle jaho słoŭ, prajekt płanujecca realizavać u kancy 2013 — pačatku 2014 hoda. Ciapier u Kitai znachodziacca śpiecyjalisty, jakija viaduć pieramovy, u tym liku z bankami, ab pryciahnieńni srodkaŭ na ažyćciaŭleńnie prajekta. Ładućka paviedamiŭ, što abjom finansavańnia budzie vyznačany paśla zaviaršeńnia ekśpiertyzy prajekta, užo raspracavanyja techničnaje zadańnie i kancepcyja ITS.
Budzie stvorana šmatpłanavaja sistema, jakaja ŭklučaje ŭ siabie arhanizacyju pracy śviatłaforaŭ na skryžavańniach, datčykaŭ, jakija buduć vyznačać nahruzku na transpartnyja arteryi, skazaŭ Ładućka. Ukaranieńnie takoj sistemy dazvolić pavialičyć prapusknuju zdolnaść vulic na 20–25%.
Sistema taksama praduhledžvaje elektronny kantrol apłaty za parkoŭku, videafiksacyju parušeńniaŭ praviłaŭ darožnaha ruchu, u tym liku chutkasnaha režymu, ustanoŭku na prypynkach hramadskaha transpartu elektronnych tabło ź infarmacyjaj pra čas prybyćcia aŭtobusa, tralejbusa, tramvaja.
