Prakuratura: Pieršymi na daču Biabienina trapili staronnija asoby

Pra śmierć Aleha Biabienina pravaachoŭnyja orhany byli prainfarmavany nie adrazu, zajaviła staršy pamočnik prakurora Minskaj vobłaści Taćciana Kalinina.

Mienavita hetaja prakuratura zaraz pravodzić pravierku pa fakcie hibieli žurnalista. Na pieršapačatkovym etapie razbor vioŭsia prakuraturaj Dziaržynskaha rajona.

Pavodle słoŭ Kalininaj, pieršymi, chto daviedaŭsia pra toje, što Biabienin znojdzieny miortvym, byli staronnija asoby. Jany i znachodzilisia na jaho dačy ŭ vioscy Piarchurava Dziaržynskaha rajona, kali na miesca zdareńnia prybyli pradstaŭniki pravaachoŭnych orhanaŭ.

Nijakich inšych padrabiaznaściaŭ rasśledavańnia akaličnaściaŭ hibieli žurnalista pakul nie paviedamlajecca. U pryvatnaści, ni ŭ rajonnaj, ni ŭ abłasnoj, ni ŭ Hienieralnaj prakuratury BiełaPAN nie adkazali na pytańnie, ci znachodziŭsia zahinuły ŭ stanie ałkaholnaha apjanieńnia, što pavinna była ŭstanavić ekśpiertyza.

Jak paviedamlałasia raniej sa spasyłkaj na Hienieralnuju prakuraturu, najaŭnyja ŭ pravaachoŭnych orhanaŭ źviestki pakazvajuć na toje, što Biabienin pakončyŭ žyćcio samahubstvam. Pavodle zaklučeńnia sudova-miedycynskaha ekśpierta, na trupie nie vyjaŭlena jakich-niebudź cialesnych paškodžańniaŭ, za vyklučeńniem stranhulacyjnaj barazny. Śmierć nastupiła ad miechaničnaj aśfiksii z pryčyny ściskańnia dychalnych šlachoŭ piatloj pry paviešańni.

Cieła žurnalista, jakoje visieła ŭ piatli, było znojdziena ŭ dačnym domie Biabienina pryblizna ŭ 19.00 3 vieraśnia.

Aleh Biabienin naradziŭsia ŭ 1974 hodzie. Skončyŭ fakultet žurnalistyki Biełaruskaha dziaržaŭnaha ŭniviersiteta. U 1990-ch hadach pracavaŭ namieśnikam hałoŭnaha redaktara niedziaržaŭnaj haziety «Imia». Z 1998 hoda byŭ zasnavalnikam i kiraŭnikom sajta «Chartyja'97» (charter97.org). U jaho zastalisia žonka i dva syny.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH