Kijeŭski žurnalist Jury Śvirko vystupiŭ ź idejaj stvareńnia mižnarodnaj kamisii pa rasśledavańniu śmierci Aleha Biabienina.
Śvirko choča, kab u hetuju kamisiju ŭvajšli tolki byłyja adnahrupniki Aleha pa žurfaku BDU. Sam Śvirko hatovy ŭznačalić hetuju hrupu.
«Ja dapuskaju mahčymaść samahubstva majho adnakurśnika, chacia na dadzieny momant pavieryć u hetuju viersija ciažka. Liču, što nieabchodna pravieści abjektyŭnaje i niezaležnaje rasśledavańnie abstavinaŭ śmierci Aleha Biabienina», — piša Ju.Śvirko.
U kamisii jon prapanuje ŭklučyć Volhu Biabieninu («Narodnaja haziecie»), Alena Laŭkovič («Narodnaja hazieta»), Viktar Dziatlikovič (Maskva), Siarhiej Chrypač («Na stražie»), Juraś Karmanaŭ (AR), Alaksiej Doval («Jeŭrańjus»), Vieranika Doval (Lijon), Taćciana Uładzimirava («Respublika»).
«Upeŭnieny, što mienavita taki skład kamisii zmoža harantavać nieabchodnuju abjektyŭnaść rasśledavańnia. Ja raździalaju pohlad Śviatłany Kalinkinaj, jakaja pracavała razam z Aleham u daŭno začynienaj haziecie «Imia», pra toje, što śmierć Biabienina nie była vyhadnaj ni apazicyi, ni Łukašenku», — skančvaje zvarot Ju.Śvirko.
0
0
0
0
0
0
