Budoŭli Minska znoŭ nie paśpiavajuć za pieryfieryjaj

Budaŭnictva žylla pa vynikach 7 miesiacaŭ krychu nie daciahnuła da pałovy hadavoha zadańnia.

U Biełarusi ŭ studzieni-lipieni 2010 arhanizacyjami ŭsich formaŭ ułasnaści pabudavana 42 900 novych kvater (suprać 36 900 za anałahičny pieryjad 2009). Uviedziena ŭ ekspłuatacyju 3 447 700 kv. m ahulnaj płoščy žylla, što składaje 49,5% praduhledžanaha zadańnia na hod. U paraŭnańni sa studzieniem-lipieniem 2009 uvod u dziejańnie žylla pavialičyŭsia na 244 600 kvadratnych mietraŭ, abo na 7,6%, pavodle dadzienych Nacyjanalnaha statystyčnaha kamiteta.

Absalutnym lideram pa tempach budaŭnictva žylla stała Minskaja vobłaść, dzie z pačatku hoda było pabudavana 704 400 kv.m (53%). Chutčej za ŭsich da vykanańnia hadavoha zadańnia ruchajecca Hrodzienskaja vobłaść: tut jaho za praminułyja siem miesiacaŭ 2010 paśpieli vykanać na 54% — 464 800 kv.m. Ad svajho susieda krychu adstaje Bresckaja vobłaść, dzie ŭžo pabudavana 593 500 kv.m, ci 53,9% hadavoha zadańnia. 50-pracentnuju miažu taksama pierasiahnuli Homielskaja (490 700 kv.m — 51,1%) i Mahiloŭskaja (398 400 kv.m — 50,4%) vobłaści. Mienš za ŭsio novaj žyłpłoščaj paradavali žycharoŭ Viciebskaj vobłaści: tut uviedziena ŭ ekspłuatacyju tolki 344,3 tys. kv.m (47,8% zadańnia na hod). A voś stalica druhi hod zapar nie spraŭlajecca z abjomami žyllovaha budaŭnictva: u Minsku z pačatku hoda ŭviedziena ŭ ekspłuatacyju 451,6 tysiačy kv.m, što skłała tolki 37,6% zadańnia na hod.

Pry hetym apieradžalnymi tempami idzie budaŭnictva žylla dla hramadzian, jakija stajać na ŭliku jak tyja, chto maje patrebu ŭ palapšeńni žyllovych umovaŭ. Dla ich ŭviedziena ŭ dziejańnie 2 274 500 kv. m ahulnaj płoščy, ź ich u šmatkvaternych žyłych damach u haradach — 1675 tys. kv.m. Takim čynam, udzielnaja dola žylla, pabudavanaha dla hetaj katehoryi biełarusaŭ u šmatkvaternych žyłych damach u haradach, skłała 90,7% ad abjomu ŭviedzienaha žylla ŭ takich damach. Heta ŭžo bolš za zadadzienyja na hod 80%.

27% ad ahulnaha ŭvodu žyłych płoščaŭ pa respublicy skłała žyllo ŭ sielskich nasielenych punktach. Tut pabudavana 929 200 kv.m žylla. Nahadajem, što ŭ minułym hodzie dola žylla ŭ sielskaj miascovaści za anałahičny pieryjad składała 29,4% ad ahulnaj płoščy ŭviedzienaha ŭ ekspłuatacyju žylla.

Na žyllovaje budaŭnictva ŭ studzieni-lipieni 2010 pajšło 6,2 trłn rubloŭ inviestycyj, što składaje 24,6% ich ahulnaha abjomu. Na budaŭnictva abjektaŭ inžyniernaj i transpartnaj infrastruktury da rajonaŭ žyłoj zabudovy pajšoŭ 1 trłn rubloŭ inviestycyj u asnoŭny kapitał, abo 29,4% praduhledžanaha abjomu na 2010 hod.

0

0

0

0

0

0

Ježiednievnik

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH