Karupcyjny skandał razharajecca ŭ Pinsku. Hałoŭnaje śledčaje ŭpraŭleńnie MUS raspačała kryminalnuju spravu ŭ dačynieńni adkaznych asobaŭ pinskaha futbolnaha kłubu «Vołna», jaki vystupaje ŭ pieršaj lizie čempijanatu krainy.
Jak paviedamlaje adździeł infarmacyi ŭpraŭleńnia ŭnutranych spraŭ Bresckaha abłvykankamu, śledčyja hałoŭnaha ŭpraŭleńnia baraćby z arhanizavanaj złačynnaśćiu i karupcyjaj vyśvietlili, što hetyja asoby spryjali fiktyŭnamu pracaŭładkavańniu pinskich futbalistaŭ na čatyry pradpryjemstvy horada.
Ahułam za pieryjad z 2005 hoda pa 2010 hady było takim čynam pracaŭładkavana 11 spartoŭcaŭ, jakija atrymali za heta amal 100 miljonaŭ rubloŭ. Akramia futbolnych funkcyjanieraŭ, kryminalnyja spravy zaviedzieny i na kiraŭnikoŭ pradpryjemstvaŭ, jakija prytulili futbalistaŭ.
