Biełaruś pavinna być paŭnapraŭna i paŭnacenna pradstaŭlena ŭ asnoŭnych jeŭrapiejskich strukturach. Pra heta zajaviŭ 23 žniŭnia na sustrečy z dakładčykam pa Biełarusi kamisii Parłamienckaj asamblei Savieta Jeŭropy (PASIE) pa palityčnych pytańniach Sinikaj Churskajnien staršynia Savieta Respubliki Nacyjanalnaha schodu Biełarusi Anatol Rubinaŭ.
«Biełaruś pavinna być paŭnapraŭna i paŭnacenna pradstaŭlena ŭ asnoŭnych strukturach Jeŭrasajuza», — skazaŭ Rubinaŭ, zaznačyŭšy, što «ŭsiamu jeŭrapiejskamu domu treba, kab u Biełarusi byŭ mir i ŭstojlivaść».
U svaju čarhu Churskajnien padkreśliła, što pryjechała ŭ Biełaruś «słuchać i abmiarkoŭvać prablemnyja pytańni, źviazanyja z raźvićciom adnosin Biełarusi i Savieta Jeŭropy».
«Ja chacieła b adznačyć try asnoŭnyja pytańni, jakija chvalujuć Saviet Jeŭropy, — pravy čałavieka, demakratyja i viaršenstva zakona», — padkreśliła dakładčyk.
Churskajnien dadała, što padčas svajho vizitu ŭ Biełaruś čakaje ŭbačyć, što respublika robić «kroki ŭ napramku Jeŭropy». Jana taksama vykazała nadzieju na praciah dyjałohu Savieta Jeŭropy ź Biełaruśsiu ŭ budučym.
![Клас Клас](https://d2lur0sisdcrej.cloudfront.net/images/reactions/reaction-like.png)
![Панылы сорам Панылы сорам](https://d2lur0sisdcrej.cloudfront.net/images/reactions/reaction-facepalm.png)
![Ха-ха Ха-ха](https://d2lur0sisdcrej.cloudfront.net/images/reactions/reaction-smile.png)
![Ого Ого](https://d2lur0sisdcrej.cloudfront.net/images/reactions/reaction-omg.png)
![Сумна Сумна](https://d2lur0sisdcrej.cloudfront.net/images/reactions/reaction-sad.png)
![Абуральна Абуральна](https://d2lur0sisdcrej.cloudfront.net/images/reactions/reaction-anger.png)