Pavodle dadzienych Fiederalnaj mihracyjnaj słužby Rasii (FMS), za 7 miesiacaŭ hetaha hoda dva žychary Biełarusi źviarnulisia z chadajnictvami ab nadańni statusu biežanca. Usiaho ž za apošnija piać hadoŭ u susiedniaj dziaržavie šukali prytułak bolš za sorak biełarusaŭ.Padobna, nie ŭsich zadavalniaje pražyvańnie ŭ samaj spakojnaj krainie ŭ centry Jeŭropy.
Ź inšaha boku, rasijski orhan, jaki adkazvaje za mihracyju, nie asabliva vitaje pryjezdžych z sajuznaj dziaržavy. U 2008 była zadavolenaja tolki adna zajava biełaruskaha hramadzianina ab prytułku ŭ Rasii. Heta pakul adziny vypadak za apošnija 5 hadoŭ.
Darečy, mienavita ŭ 2008 było zarehistravana bolš za ŭsio našych suajčyńnikaŭ, što prasili prytułku ŭ Rasii, — u FMS pastupiła ad biełarusaŭ 12 chadajnictvaŭ ab nadańni statusu biežanca i 5 zajavaŭ na časovy prytułak. Vyłučaŭsia mihracyjnaj aktyŭnaściu i 2007, kali stać biežancami ŭ Rasii pažadali 15 čałaviek ź Biełarusi.
Pa hetym pakazčyku Biełaruś apiaredžvaje ŭsie prybałtyjskija krainy razam uziatyja. Da prykładu, z Łatvii za apošnija piać hadoŭ u FMS Rasii pastupiła 7 zajavaŭ ab nadańni statusu biežanca i 3 — na časovy prytułak, z Estonii, adpaviedna, 7 i 2, ź Litvy — 3 i 1.
Siarod biełarusaŭ było bolš achvotnych atrymać prytułak u Rasii, čym siarod kazachaŭ i małdavan. Z Kazachstana na praciahu razhladanaha pieryjadu chacieli stać biežancami ŭ Rasii 23 čałavieki, 8 sprabavali atrymać časovy prytułak. Z Małdovy mihravać ŭ Rasiju płanavali 23 čałavieki ŭ jakaści biežancaŭ i 7 chacieli atrymać časovy prytułak.
Pryblizna na adnym uzroŭni ź Biełaruśsiu prarasijski mihracyjny bum byŭ u Kyrhyzstanie (35 zajavaŭ na biežancaŭ i 6 — na časovy prytułak) i Armienii (37 i 9). Va Ukrainie hetyja pakazčyki skłali, adpaviedna, 61 i 8.
Siarod krain byłoha SSSR biezumoŭnym lideram pa kolkaści padadzienych zajavaŭ na hetyja dva statusy stali žychary Hruzii — 4789 i 3330 čałaviek. U suśvietnym maštabie hramadzian hetaj krainy i asob biez hramadzianstva, jakija pražyvajuć na hruzinskaj terytoryi, abyšli tolki afhancy: za 5 hadoŭ ab statusie biežanca ŭ Rasii chadajničali 5386 čałaviek, ab časovym prytułku — 4617. Hruzija, takim čynam, zajmaje druhoje miesca ŭ śviecie pa kolkaści achvotnych astalavacca ŭ Rasii ŭ jakaści biežancaŭ i časovych žycharoŭ.
Treciaje miesca ŭ śviecie pa kolkaści achvotnych atrymać pravy biežanca ŭ Rasii taksama dastałosia byłoj sajuznaj respublicy — Uźbiekistanu, adkul u FMS pastupiła praktyčna paroŭnu chadajnictvaŭ na status biežanca i na časovy prytułak — adpaviedna 265 i 205.
Na prykładzie zajavaŭ ź Biełarusi, kali z bolš čym 40 zajavaŭ była zadavolenaja tolki adna, zrazumieła, što adna sprava nakiravać chadajnictva, inšaja — być pastaŭlenym na ŭlik u FMS. Naprykład, z 5720 zajavaŭ na nadańnie statusu biežanca ŭ Rasii na praciahu apošnich piaci hadoŭ jaho atrymali tolki 225 čałaviek.
Pa kolkaści čałaviek, jakija
Šerah hramadzian z krain byłoha SSSR za hety pieryjad źviartalisia ŭ rasijskija orhany ŭłady pa nadańnie palityčnaha prytułku. Chadajnictvy pastupali z Azierbajdžana, Hruzii, Kazachstana i Ukrainy. Ź Biełarusi takich zajavaŭ u FMS pakul nie pastupała.
