Svajaki pasažyraŭ znakamitaha łajniera «Tytanik» vypraviacca ŭ kruiz, pryśviečany stahodździu z dnia jaho katastrofy.
Padarožža adbudziecca ŭ krasaviku 2012 na kruiznym łajniery «Bałmarał». Łajnier dakładna skapijuje maršrut, jakim pavinien byŭ prajści «Tytanik», ad anhielskaha porta Saŭtchemptan da
U dzień hibieli Tytanika, 15 krasavika, na «Bałmarale» na miescy katastrofy znakamitaha karabla projdzie imša ŭ pamiać pra zahinułych pasažyraŭ.
Pavodle zadumy arhanizataraŭ, padčas padarožža pasažyram «Bałmarała» buduć padavać stravy, pryhatavanyja pavodle mieniu, raspracavanym dla tych, chto płyŭ na «Tytaniku».
U płavańni, jakoje pačniecca 8 krasavika 2012, pasažyry buduć raskazvać adno adnamu pra svaich svajakoŭ, jakija zahinuli ŭ vyniku krušeńnia łajniera, i dzialicca siamiejnymi historyjami.
Pra płany vypravić «Bałmarał» pa maršrucie «Tytanika» stała viadoma jašče ŭ 2009, adnak pra zaprašeńnie ŭ hetaje płavańnie svajakoŭ zahinułych pasažyraŭ aficyjna abviaścili tolki ciapier.
«Tytanik», samy vialiki pasažyrski łajnier svajho času, zatanuŭ 15 krasavika 1912 u vyniku sutyknieńnia z ajśbierham u Atłantyčnym akijanie. Achviarami katastrofy stała bolš za 1500 čałaviek. Vyratavalisia ŭsiaho 708 pasažyraŭ. Apošniaja z vyžyłych, Miłvina Dzin, pamierła ŭ Vialikabrytanii ŭ 2009 hodzie.
Raniej paviedamlałasia, što hrupa navukoŭcaŭ maje namier vypravicca ŭ čarhovuju ekśpiedycyju da miesca hibieli lehiendarnaha pasažyrskaha łajniera i pravieści virtualny padjom sudna na pavierchniu.