U pačatku hoda Ministerstva kultury z pompaj raspaŭsiudziła śpis uračystaściaŭ u honar80-hodździa piśmieńnika, ramantyka nacyjanalnaha adradžeńnia. Da śviata Karatkieviča zastajecca try miesiacy, a realizacyja ŭsio bolšaj kolkaści mierapryjemstvaŭ adsoŭvajecca. Na 2011 hod. Abo na śviatoha nikoli.
Najpierš prablemy ŭźnikli z pomnikami piśmieńniku. Zajaŭlałasia, što jany mohuć paŭstać u Kijevie, Minsku i Rahačovie. Realizacyja prajekta va ŭkrainskaj stalicy, dzie piśmieńnik vučyŭsia va univiersitecie, była daručana Alaksandram Łukašenkam. Tamu i ŭvaha da jaho bolšaja. I tym nie mienš, jaho adkryćcio adbudziecca chiba što ŭ nastupnym hodzie. Pra heta paviedamiŭ namieśnik ministra kultury Biełarusi Viktar Kuraš. Pa jaho słovach, ciapier biełaruskija architektary jašče pracujuć z kijeŭskimi ŭładami nad vyrašeńniem arhanizacyjnych pytańniaŭ.
Mierkavali pastavić pomnik i ŭ biełaruskaj stalicy. Ale hrošaj niama (finansujecca ŭ pieršuju čarhu kijeŭski prajekt). Mahčyma, na nastupny hod, adznačyli ŭ Minkultury.
Viałasia havorka jašče pra adzin manumient — u Rahačovie. U horadzie, dzie Karatkievič napisaŭ nie adzin svoj tvor, płanavali pastavić pomnik hieroju apovieści «Ładździa Rospačy» Hiervasiju Vylivachu. Jak adznačyła staršynia Rahačoŭskaha rajsavieta deputataŭ Ryma Jastremskaja, u hetym hodzie pomnik nie źjavicca. Jašče idzie abmierkavańnie prapanavanych eskizaŭ. Ale padarunak dla naščadkaŭ piśmieńnika
Ab hrandyjoznych prajektach zajaŭlali i «Biełaruśfilm» i teleradyjokampanija tak zvanaj «sajuznaj dziaržavy». Ajčynnaja kinastudyja brałasia za zdymki
Adnak na «Biełaruśfilmie» pakul pracu nie pačali. Nie vyznačylisia z akciorami i režysioram. Paśla taho, jak u mai hałoŭny režysior Kupałaŭskaha teatra Mikałaj Pinihin admoviŭsia ad pracy nad filmam, jamu jašče praciahvajuć šukać zamienu.
Ambicyjny prajekt prapanoŭvali i Minkultury ź Mininfarmacyi — vydańnie tvoraŭ kłasika na zamiežnych movach, jakija pry spryjańni Ministerstva zamiežnych spraŭ i dypłamatyčnych ustanoŭ Biełarusi za miažoj mierkavałasia prezientavać u stalicach šerahu krain. Ale i tut niama ładu. Namieśnik ministra infarmacyi Ihar Łapcionak paviedamiŭ, što jość pakul tolki takaja ideja. Pa jaho słovach, dla pačatku pavinien być raspracavany prajekt, zatym treba znajści dobrych pierakładčykaŭ, a kali vydańnie nieprybytkovaje, to jašče i finansy. Heta aznačaje, što nichto pytańniem nie zajmajecca. I možna havaryć ab tym, što paśla jubileju piśmieńnika źniknie navat sama ideja.
U vydaviectvie «Mastackaja litaratura» zapłanavany vychad Poŭnaha zboru tvoraŭ Uładzimira Karatkieviča. Ale i hetaje vydańnie raźličana pačać tolki z nastupnaha hoda.
Nahadajem, što Minharvykankam jašče mieŭ namier pastavić u stalicy biłbordy z partretami piśmieńnika. Realizacyja hetaha prajekta, treba mierkavać, pačniecca nie raniej za
Da jubileju piśmieńnika ładziacca mierapryjemstvy, ale heta najčaściej zasłuha nie ŭsiomahutnaj dziaržavy, a pryvatnych asobaŭ i supołak. Źmicier Vajciuškievič, naprykład, pryśviaciŭ Uładzimiru Karatkieviču svoj kancert. A «niefarmatnyja» muzyki šukajuć srodki dla vypusku supolnaha prajekta piesień na słovy Uładzimira Karatkieviča «Skrypka dryhvy».