Abjom źniešniaha handlu tavarami i pasłuhami ŭ studzieni-červieni skłaŭ 29 młrd. 153,6 młn. dołaraŭ, što na 19,6% bolš, čym za taki ž pieryjad 2009 hoda. U tym liku ekspart — 13 młrd. 381,4 młn. (na 25,5% bolš), impart — 15 młrd. 772,2 młn. (na 15,1% bolš).
Pa mietadałohii handlovaha bałansu, jaki ŭličvaje źviestki Dziaržaŭnaha mytnaha kamiteta, u studzieni-červieni admoŭnaje salda źniešniaha handlu tavarami sfarmiravałasia ŭ pamiery 3 młrd. 510 młn. dołaraŭ (u studzieni-červieni 2009 hoda — minus 3 młrd. 889,2 młn.).
U pieršym paŭhodździ hetaha hoda ŭ Biełaruś było ŭvieziena pramiežkavych tavaraŭ (enierhanośbity, syravina, materyjały i kamplektujučyja) na 10 młrd. 885,9 młn. dołaraŭ (na 15% bolš, čym za hetki ž letašni pieryjad).
Ekspart pramiežkavych tavaraŭ skłaŭsia ŭ abjomie 7 młrd. 161,6 młn. dołaraŭ, pavialičyŭšysia na 13,5%. 38,4% vartasnaha abjomu ekspartu i 45,4% impartu pramiežkavych tavaraŭ skłali enierhietyčnyja tavary. Na źniešni rynak ich pastaŭlena na 2 młrd. 753,6 młn. dołaraŭ, što na 18,3% mienš, čym u studzieni-červieni 2009 hoda. Impart enierhietyčnych tavaraŭ skłaŭ 4 młrd. 928,6 młn. dołaraŭ, što na 3,3% mienš. Salda źniešniaha handlu enierhanośbitami skłałasia admoŭnaje ŭ abjomie 2 młrd. 175 młn. dołaraŭ (u pieršym paŭhodździ 2009 hoda — 1 młrd. 725,4 młn.).
Vieličynia admoŭnaha salda handlu spažyvieckimi tavarami ŭ studzieni-červieni 2010 hoda dasiahnuła 21,6 młn. dołaraŭ (u studzieni-červieni 2009 hoda — minus 301,6 młn. dołaraŭ).
Źniešni handal charčovymi tavarami ŭ pieršym paŭhodździ charaktaryzavaŭsia stanoŭčym salda — jaho vieličynia skłała 703,6 młn. dołaraŭ. U paraŭnańni sa studzieniem-červieniem 2009 hoda hety pakazčyk pavialičyŭsia na 467,9 młn. dołaraŭ.