U sieradu, 11 žniŭnia, dym ad lasnych i tarfianych pažaraŭ u Maskvie raśsiejaŭsia. Ciapier na vulicach rasijskaj stalicy niama zadymleńnia i źnik pach harełaha.
Uzrovień uharnaha hazu ŭ pavietry Maskvy pačaŭ źnižacca jašče 9 žniŭnia. U sieradu atmaśfiera całkam ačyściłasia ad škodnych prymiesiaŭ. Hetamu paspryjała i zaleva, što prajšła minułaj nočču ŭ horadzie.
U toj ža čas, pa prahnozach sinoptykaŭ,
śpioka ŭ Maskoŭskim rehijonie pakul zachoŭvajecca. 11 žniŭnia ŭ Maskvie čakajecca da +34 hradusaŭ, taksama mahčymaja čarhovaja navalnica.
Nahadajem, apošnija dva tydni praz anamalnuju śpiakotu i pažary ŭ Maskvie skłałasia nadzvyčajnaja ekałahičnaja situacyja. Horad byŭ achutany dymam, adčuvaŭsia jedki pach harełaha, a dapuščalnyja kancentracyi uharnaha hazu i ŭzvažanych čaścic byli pieravyšanyja ŭ niekalki razoŭ.
Napiaredadni kiraŭnik departamienta achovy zdaroŭja stalicy Andrej Sialcoŭski paviedamiŭ, što apošnim časam u Maskvie
kolkaść śmierciaŭ pavialičyłasia ŭdvaja — prykładna da 700 u dzień.
Ahienctva Reuters adznačała, što
morhi i balnicy horada pierapoŭnienyja, a adziny krematoryj pracuje ŭ try źmieny i nie moža dać rady zamovam. Miž tym, staličnyja ŭłady zajavili, što situacyja ŭ Maskvie nie kryzisnaja.