Nievytłumačalnaja avaryja ŭ Hrodzienskaj vobłaści 1

U noč z 8 na 9 žniŭnia mikraaŭtobus «Ford Tranzit» u vioscy Łunna Mastoŭskaha rajona sutyknuŭsia na moście praz raku Nioman z hruzavikom «ZiŁ-130», jaki znachodziŭsia tam biez abaznačeńnia avaryjnymi znakami i habarytnymi ahniami.

Vadziciel mikraaŭtobusa zahinuŭ na miescy, jamu było ŭsiaho 23 hady. Dvuch jaho pasažyraŭ z traŭmami roznaj stupieni ciažkaści dastavili ŭ balnicu.

Pa infarmacyi vidavočcy, kiroŭcu mikraaŭtobusa zacisnuła ŭ sałonie i prykładna praz 20 chvilin jon pamior nie dačakaŭšysia chutkaj. Pieršymi da miesca DTZ prybyli supracoŭniki MNS (25 chvilin), potym chutkaja (35 chvilin) i apošnimi padciahnulisia supracoŭniki DAI (50 chvilin).

Dziŭnaść zdareńnia ŭ tym, što kiroŭcu hruzavika znajšli ŭ lasnym masivie ŭ 300 mietrach ad DTZ praz 4 hadziny ź ciełavymi paškodžańniami, jaho taksama špitalizavali ŭ balnicu. Supracoŭniki DAI raźbirajucca ŭ abstavinach zdareńnia.

0

0

0

0

0

0

s13

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH