Karol Svazilenda zvolniŭ i pasadziŭ u turmu ministra justycyi krainy, jaki byŭ kachankam jahonaj žonki. U adsutnaść Msvaty III adna z trynaccaci žonak karala sustrakałasia ź ministram Ndumisa Mambie.
Karol Msvaty III sa svajoj 12 žonkaj. Fota AFP.
«Karaleŭskaja žonka apranała vajskovuju ŭniformu, kali muž byŭ u adjeździe, i hetyja chitryki dazvalali joj bieź pieraškodaŭ pakidać pałac i sustrakacca z kachankam», — paviedamiła krynica ŭ karaleŭskim domie, jakuju cytuje francuzskaje vydańnie «20 minutes». Na minułym tydni, kali karol znachodziŭsia ź vizitam na Tajvani, kachanki byli źnianacku zaśpietyja supracoŭnikami sakretnaj słužby na adnoj z karaleŭskich viłaŭ kala Mbabane — stalicy hetaj nievialikaj dziaržavy na poŭdni Afryki. Ministr, jaki znajomy z karalom ź dziciačych hadoŭ, tut ža byŭ uziaty pad vartu i zajaviŭ ab svajoj adstaŭcy. Jamu pahražaje vysyłka z krainy.
«Niapravilnaja» žonka Natanda Dubie moža ŭ jakaści pakarańnia być vysłanaja ŭ rezidencyju śviekryvi —
