2 cialačyja hałavy, 2,5 łyžki masła, 1—2 morkvy, 1 piatruška, 1 sieldzierej, 1 parej, 2 cybuli, 8—12 ziarniataŭ anhlijskaha piercu, 3—4 łaŭrovyja listy, sol, 3 jajki, ščepci anhlijskaha i prostaha piercaŭ, 3—4 łyžki ciortych sucharoŭ, 3—4 kavałki cukru, 50 h suchoha bulonu, 1 limon, 0,5 łyžki muki. Da mozhu: 2 žaŭtki, 1 jajka, 1—2 łyžki bułki, sol, pierac, 0,5 łyžki masła.
Ačyščanyja cialačyja hałovy raśsiačy napałam, vyniać mazhi, vymačyć. Hałovy zvaryć u padsolenaj vadzie ź piercam, łaŭrovym liściem i kareńniem, a jušku ad ich pracadzić. Padsmažyć trochi zdrabnionaj i ašparanaj cybuli u adnoj łyžcy masła, kali astynie — źmiašać z uźbitymi jajkami, zapravić anhlijskim i zvyčajnym piercam. Razrezać hałovy na zraziki, mačać zrazy ŭ hetaj masie, absypać sucharykami, pakłaści na vyšmaravanuju masłam patelniu abo blachu i zarumianić u piečy.
Pry padačy zalić takim sousam: padsmažyć trochi muki ŭ łyžcy masła, dadać trochi cukru, dalić 1,5 šklanki juški ad hałovaŭ, kavałačak suchoha bulonu, pravaryć dobra na małym ahni, pry kancy pakłaści ŭ sous narezany kubikami limon (vyniać kostački), jašče raz davieści da kipieńnia i zalić hetym hałovy.
Da hetaj stravy možna ŭžyć i nožki, vyniaŭšy ź ich kostki paśla advarvańnia.
Vyniatyja mazhi aśviatlić, narezać, źmiašać z žaŭtkami i jajkam, pasalić, papiarčyć, źmiašać ź ciortaj bułačkaj, zapoŭnić hetym faršam čerapki, dzie znachodzilisia mazhi i adkul ich dastali pierad advarvańniem hałoŭ, pakrapić masłam, zapiačy i pałažyć na stravu pry padačy.
Z knihi V. Zavadskaj «Litoŭskaja kucharka», 1854 h.
Padrychtavała NB
