Vałasy zdajucca nieachajnymi, ćmianymi, vyhladajuć tłustymi ŭžo ŭviečary, navat kali vy pamyli hałavu z ranicy? Chutčej za ŭsio, pryčyna — u niapravilnym dohladzie. Mahčyma, vam nie padychodziać šampuń, kandycyjanier abo maska. Kali myćcio hałavy stała dla vas kašmaram, prysłuchajciesia da rekamiendacyj prafiesijanałaŭ.
Myjecie vałasy kožny dzień abo dva razy na dzień — ranicaj i ŭviečary? Zanadta častaje myćcio, kali vy niapravilna padabrali šampuń i kandycyjanier, nie tolki bieskarysnaje, ale i škodnaje. Reč u tym, što kali šampuń vam nie padychodzić, i vy časta jaho vykarystoŭvajecie, skura hałavy pierasušvajecca, i heta źjaŭlajecca sihnałam da jašče bolš intensiŭnaj raboty tłuščavych załoz. Čym bolš vy starajeciesia, tym bolš nieachajna vyhladajuć vašy vałasy.
Pierad myćciom karysna ŭcierci ŭ skuru hałavy kisłaje małako abo sok ałoe. Dla tłustych vałasoŭ dobra padychodziać šampuni z ekstraktami krapivy, šałfieju, padbiełu, palavoha chvašču, kary dubu, kalenduły, marskich vodaraściaŭ, kitajskaha limońniku, a taksama śpiecyjalnyja lekavyja šampuni.
Paśla balzamu-apałoskvalnika pramyjcie vałasy advaram hajučych traŭ: šyšak chmielu, krapivy, korania łopuchu: 2 st. łyžki travy zalicie litram kipieniu, zakipiacicie i dajcie pastajać 20 chvilin, zatym pracadzicie.
Ciomnyja vałasy lepš za ŭsio apałoskvać vadoj z vocatam (1 st. łyžka na litr vady), a śvietłyja — nastojem ramonku (2 st. łyžki na 2 litry vady) z dabaŭleńniem limonnaha soku abo limonnaj kisłaty.
Kali vałasy vielmi tłustyja, dadajcie ŭ vadu dla apałoskvańnia našatyrny śpirt z raźliku 1 č. łyžka na litr vady.
Vałasy nie rekamiendujecca rasčesvać zanadta časta — dastatkova troch razoŭ na dzień, pakolki častaje rasčesvańnie stymuluje tłuščavyja załozy.
Paśla rasčesvańnia abaviazkova pramyjcie rasčosku z šampuniem pad haračaj pratočnaj vadoj. Inakš tłušč, jaki zastaŭsia na joj, znoŭ patrapić na vałasy.
Isnuje mierkavańnie, što šampuń treba mianiać kožnyja 3—4 miesiacy, kab vałasy da jaho nie pryvykali, kab nie źjaŭlałasia pierchać. Kaśmietołahi hetaha nie paćviardžajuć. Naadvarot, jany ličać: kali vy padabrali šampuń i inšyja srodki pa dohladzie vałasoŭ, jaki sens znoŭ ekśpierymientavać?
I jašče adzin momant — sačycie za charčavańniem. Kali vałasy chutka zabrudžvajucca, skaracicie ŭžyvańnie sałodkaha, kavy, ałkaholu, tłustych praduktaŭ, viandliny. Vam vielmi karysnyja vitaminy V i S, a taksama vitaminnyja kompleksy z utrymańniem žaleza i siery.
