Na minułym tydni ŭ balnicu chutkaj miedycynskaj dapamohi pastupili 6 minčan, jakija paciarpieli ad ukusaŭ źmiej.
Jak raskazaŭ zahadčyk adździaleńnia pa lačeńni vostrych atručvańniaŭ BCHMD Andrej Šmihielski, apošni taki vypadak adbyŭsia ŭ minuły čaćvier. Źmiaja ŭkusiła haradžanina ŭ lasnym masivie ŭ Smalavickim rajonie.
— Z nadychodam ciopłaha nadvorja minčanie stali čaściej vyjazdžać u les na pikniki, pa hryby i jahady. Adnak, adpačyvajučy na pryrodzie, mała chto robić choć by samyja prostyja miery pieraściarohi, — kaža A. Šmihielski, — i darma, pakolki ŭ haračyniu aktyvizujucca źmiei.
Minčanie, jakija pastupili ŭ balnicu, paciarpieli ad ukusaŭ hadziuki, miadzianki. Čaściej za ŭsio źmiei kusajuć nižnija i vierchnija kaniečnaści. Śmiarotnych vypadkaŭ nie adznačana.
Andrej Šmihielski nahadaŭ, što kali ŭbačyli źmiaju, nie treba ŭciakać, lepš zamierci i dazvolić paŭzunu ŭpaŭźci — pieršymi jany na ludziej nie napadajuć. Nielha łavić źmiej.
Kali ŭsio-taki jana ŭkusiła, treba vyklikać chutkuju dapamohu i ni ŭ jakim razie nie admaŭlacca ad špitalizacyi. Da pryjezdu daktaroŭ nieabchodna na praciahu 15—20 chvilin adsmoktvać jad ź miesca ŭkusu. Paśla zmazać miesca ŭkusu antysieptykam, naprykład śpirtam, nałažyć paviazku i abiezruchović paškodžanuju kaniečnaść. Paciarpiełamu rekamiendujecca šmat pić.