Heta śćviardžajuć hruzinskija niezaležnyja ŚMI.
Prezident Hruzii ŭ Krymie sustreŭsia z prezidentam Biełarusi. Na sustrečy A.Łukašenka i M.Saakašvili abmierkavali dvuchbakovyja palityčnyja i ekanamičnyja adnosiny.
Michaił Saakašvili i Alaksandr Łukašenka z zadavalnieńniem adznačyli pahłybleńnie adnosin na ŭzroŭni hramadskich hrup, asabliva na ŭzroŭni moładzi i pamiž biznes hrupami, paviedamlaje partał Hruzija online.
Prezidenty taksama vykazali nadzieju, što ŭ biahučym hodzie ŭ Hruziju prybudzie šmat turystaŭ ź Biełarusi.
Akramia Łukašenki, Michaił Saakašvili taksama sustrakaŭsia ź Janukovičam.
U Tbilisi ŭžo byli zroblenyja kamientary z nahody hetych sustreč. Tam ličać, što paśla praryvu ŭ dypłamatyčnych adnosinach z Zachadam, heta pačatak novaha etapu ŭ adnosinach z krainami SND, jakija adčuvajuć cisk z boku Rasii.
Pres-sakratar Alaksandra Łukašenki byŭ niedastupny dla kamientaroŭ u hetym pytańni. Aficyjnaj infarmacyi pra sustreču pa biełaruskich kanałach nie prachodziła.