Dziaŭčyna kamierunca Hi Fransua Tukama, zatrymanaha biełaruskimi pamiežnikami bolš za miesiac tamu, źbirajecca ŭ Minsk. Jana daviedzienaja situacyjaj da takoha stanu adčaju, što vyrašyła zładzić pikiet la śledčaha izalatara na Akreścina.
Mienavita tam varatar narviežskaha futzalnaha kłuba dahetul čakaje departacyi. Pra heta Jeŭraradyjo paviedamiŭ pravaabaronca Valancin Stefanovič. «Jon znachodzicca tam, dzie znachodziŭsia. Jaho dziaŭčyna šle nam listy. Jana absalutna razhublenaja, šle nam listy i navat źbirajecca ŭžo siudy pryjazdžać, rabić pikiet kala Akreścina i patrabavać, kab jaho vypuścili». — zajaviŭ pravaabaronca.
12 lipienia sp. Stefanovič mieŭ razmovu z dypłamatami z ambasady Kamieruna ŭ Maskvie. Pa ich słovach, pakiet dakumientaŭ dla vyzvaleńnia Hi Fransua Tukama daŭno dasłany ŭ Biełaruś. Ale biełaruskija pamiežnyja słužby hetych dakumientaŭ pakul nie atrymali.
0
0
0
0
0
0
