7 lipienia 2010 spoŭniłasia 10 hod z dnia źniknieńnia teleapieratara Dźmitryja Zavadskaha. Z hetaj nahody la doma, dzie žyŭ žurnalist, sabralisia blizkija siabry i kalehi.
Ich sustrakali susiedzi Źmitra, jaho maci Volha i žonka Śviatłana. Jany padziakavali prysutnym za pamiać i padtrymku, jakuju adčuvali ŭsie hetyja hady.
«Dziakuj usim žurnalistam za toje, što nivodnaha dnia ja nie adčuvała adsutnaść vašaj dapamohi. I žadaju ŭsim žurnalistam, jakija siońnia pracujuć, napiaredadni vybarčaj kampanii pracavać tak, kab vašyja materyjały dachodzili da vybarščykaŭ… Kab niešta źmianić u našaj krainie», — źviarnułasia da prysutnych žurnalistaŭ maci Dźmitryja Zavadskaha Volha.
Volha i Śviatłana Zavadskija.