U Biełarusi źmianilisia praviły rehistracyi damienaŭ .BY 1

U Biełarusi źmianiŭsia paradak rehistracyi damienaŭ u nacyjanalnaj zonie. BY — adpaviednuju instrukcyju zaćvierdzili ŭ Apieratyŭna-analityčnym centry pry prezidencie Respubliki Biełaruś 18 červienia 2010 h., a 5 lipienia jana była apublikavanaja ŭ Nacyjanalnym rejestry pravavych aktaŭ Respubliki Biełaruś. Papiaredniaja viersija instrukcyi dziejničała z 2006 h.

Najvažniejšaje novaŭviadzieńnie: ciapier zajaŭki na rehistracyju damienaŭ u zonie. BY nie pavinnyz ŭzhadniacca z AAC.

Novyja praviły pavinny prykmietna źnizić cikavaść da damienaŭ u zonie. BY siarod kiberskvoteraŭ — ciapier niama mahčymaści «zareziervavać» damien biez apłaty na miesiac: «Damova ŭstupaje ŭ siłu i stanovicca abaviazkovaj dla bakoŭ z momantu atrymańnia apłaty rehistrataram […] Damiennaje imia raźmiaščajecca ŭ rejestry na imia taho zajaŭnika, čyja damova pieršaja ŭstupiła ŭ siłu».

Akramia taho, dadatkam da instrukcyi akreślivajucca patrabavańni da Nacyjanalnaj infarmacyjna-daviedačnaj sistemy ab damiennych imionach u nacyjanalnaj damiennaj zonie (servis WHOIS) — možna mierkavać, što budzie adnoŭlenaja praca i samoha servisu WHOIS na publičnaj asnovie.

Damieny treciaha i nastupnych uzroŭniaŭ buduć rehistravacca administratarami damienaŭ u rehistrataraŭ druhoha ŭzroŭniu: «Dla rehistracyi damiennaha imia treciaha i nastupnych uzroŭniaŭ u dačynieńni da trecich asob administratar adpaviednaha damiena rehistruje damovu z treciaj asobaj u rehistratara damiena druhoha ŭzroŭniu».

Pry hetym rehistratary damiennych imionaŭ sami siabie zarehistravać nie mohuć — jany «majuć prava rehistravać damiennyja imiony ŭ nacyjanalnaj damiennaj zonie na imia svajoj arhanizacyi tolki ŭ inšych rehistrataraŭ».

Novyja praviły taksama dajuć mahčymaść vybaru techničnaha administratara damiena. BY na adkrytym konkursie.

0

0

0

0

0

0

TUT.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH