Fiestyval pavietranych šaroŭ projdzie ŭ hetyja vychodnyja pad Minskam. Biełarusy ŭbačać šou aerastataŭ u druhi raz. Upieršyniu fiestyval prachodziŭ u HSK «Łahojsk» roŭna hod tamu. Tady ŭ niebie adnačasova znachodziłasia da 11 pavietranych šaroŭ. A što budzie na hety raz?
— Vosiem pavietrapłavalnikaŭ užo padali zajaŭki na ŭdzieł u fiestyvali. Heta rekardsmieny śvietu i majstry sportu ź Biełarusi, Čechii, Litvy, Rasii i Ukrainy, — udakładnili ŭ adździele markietynhu HSK «Łahojsk». — U hetym hodzie my pašyryli kulturnuju prahramu:
u piatnicu, naprykład, pierad hledačami vystupić specnaz i kinołahi, a ŭ subotu zaprašajem na vialiki kancert zorak estrady i načnuju dyskateku.
Fiestyval pačniecca 9 lipienia. Na siem hadzin viečara zapłanavany pieršy palot aerastatu. Pryčym možna budzie nie prosta nazirać za imi ź ziamli, ale pry žadańni i apynucca ŭ košyku na hałavakružnaj vyšyni, a paśla pryziamleńnia atrymać paśviedčańnie ab paśviačeńnia ŭ pavietrapłavalniki.
Adnym z samych vidoviščnych padziej stanie načny śviačeńnie aerastatu — u pryviazanyja da ziamli šary buduć padavacca słupy ahniu.
