Časopis pierakładnoj litaratury «PrajdziŚviet» znoŭ raspačynaje pryjom tvoraŭ na konkurs mastackaha pierakładu.
Konkurs hetym razam prymierkavany da vychadu piataha‑šostaha numaru časopisa, pryśviečanaha žančynam u litaratury. Uvazie maładych i nie tolki pierakładčykaŭ prapanujecca 8 vieršaŭ ź siami movaŭ: anhielskaj, niamieckaj, hišpanskaj, polskaj, rasijskaj, ukrainskaj, francuzskaj. Spampavać teksty dla pierakładu možna tut. Najlepšyja pierakłady buduć nadrukavanyja ŭ nastupnym numary časopisa.
Kali ŭ śpisie aŭtaraŭ vy nie znojdziecie taho, kaho vam chaciełasia b pierakłaści, albo toj movy, ź jakoj vy pierakładajecie, vy možacie źviarnucca da redakcyi (znoŭ ža pa pošcie albo na forumie).
My adkrytyja dla supracoŭnictva i z vašaha žadańnia źmieścim konkurs pa hetaj movie. Adzinaje abmiežavańnie — tema numaru.
Hetym razam redakcyja «PrajdziŚvieta» vyrašyła krychu adyści ad užo amal sfarmavanaj tradycyi i źviarnucca pa vierš dla Kubku majstra da «majstra» jašče davoli maładoha. Takim čynam, vierš dla «majstarskaj» rubryki abiraŭ pierakładčyk i pieramožca troch papiarednich konkursaŭ «PrajdziŚvieta» i Kubku majstra Andrej Stefanovič. Prapanavany im vierš — «Gedichte» Hotfryda Bena.
Pierakłady možna albo dasłać na adras redakcyi: [email protected], albo raźmiaścić na našym forumie, dzie dla konkursaŭ stvorany adpaviedny raździeł, a dla kožnaha vierša — adpaviednaja tema.
Varta adznačyć, što druhi sposab bolš pažadany (praŭda, nie dla Kubku Majstra), bo maje šerah pieravahaŭ: u takim vypadku ŭdzielniki konkursaŭ zmohuć pabačyć i abmierkavać i pierakłady inšych. Taksama heta daść mahčymaść pradmietna razhledzieć vaš pierakład i dapracavać jaho pry najaŭnaści nievialikich chibaŭ. Dla hetaha treba tolki zarehistravacca na forumie, nacisnuŭšy na knopku «Rehistracyja» na hałoŭnaj staroncy forumu. U chutkim časie vaš ulikovy zapis budzie aktyvavany administrataram, i vy atrymajecie dostup da ŭsich materyjałaŭ forumu.
Pierakłady prymajucca da 15 žniŭnia.
