Pra heta paviedamiŭ na pres‑kanfierencyi 30 červienia namieśnik staršyni Minharvykankama Michaił Ciciankoŭ.
Jon adznačyŭ, što ŭsie sadki budujucca ŭ novych mikrarajonach: Łošyca‑4, Čyrvony Bor‑2, Sucharava‑5, Družba‑1, Kamiennaja Horka‑1 i Masiukoŭščyna‑4. U dvuch apošnich upieršyniu buduć adkryty sadki vialikaj umiaščalnaści — pa 230 miescaŭ.
U nastupnym hodzie płanujecca pabudavać jašče vosiem sadkoŭ. Heta, na dumku Ciciankova, «nie vyrašyć prablemu deficytu miescaŭ u sadkach dla dziaciej u novych mikrarajonach, ale źmiakčyć jaje». Pavodle słoŭ pradstaŭnika Minharvykankama, budaŭnictva adnaho sadka kaštuje biudžetu prykładna 7 młrd. rubloŭ.
Usiaho na novaje budaŭnictva ŭstanoŭ adukacyi ŭ Minsku ŭ 2010 hodzie budzie zraschodavana 140 młrd. rubloŭ. Akramia sadkoŭ budzie zavieršana budaŭnictva troch škoł na 1.020 miescaŭ kožnaja — u mikrarajonach Družba‑2, Kamiennaja Horka‑1 i Michałova‑1.
Prykładna 40 młrd. rubloŭ budzie zraschodavana na kapitalny ramont škoł (dachaŭ, fasadaŭ, charčabłokaŭ). Ciciankoŭ zapeŭniŭ, što ŭsie navučalnyja ŭstanovy buduć svoječasova padrychtavany da novaha navučalnaha hoda.
Pavodle jaho infarmacyi, siońnia ŭ Minsku pracuje prykładna 460 dziciačych sadkoŭ i 245 škoł.
