Aktyvistku Biełaruskaj chryścijanskaj demakratyi z Navahradka Darju Bachar zvalniajuć z pracy. Chryścijanskaja demakratka ŭpeŭnienaja, što na jaje cisnuć za dziejnaść u BCHD i ŭdzieł u miascovych vybarach.
Dva hady Darja Bachar pracuje buchhałtaram u Navahradskaj spartyŭnaj škole Fiederacyi prafsajuzaŭ Biełarusi. Dva miesiacy tamu joj paviedamili pra skaračeńnie jaje pasady, maŭlaj, dastatkova škole budzie tolki hałoŭnaha buchhałtara. 1 lipienia zakančvajecca kantrakt Darji, adnak aficyjna novy štatny raskład, u jakim pavinna adsutničać jaje pasada, dahetul nie zaćvierdžany.
Pavodle aktyvistki, z krynic, vartych davieru, joj stała dakładna viadoma, što na dyrektara škoły nieadnarazova cisnuli ŭłady i KDB z tym, kab Darju zvolnili. U vyniku pastavili ŭltymatum: abo buchhałtar, abo dyrektar.
Darja Bachar – aktyvistka BCHD. Jaje imia było na słychu padčas viadomaj spravy ablitaha zialonaj farbaj pomnika Leninu, pa jakoj jana prachodziła ŭ jakaści śviedki.