Užo ŭ piatnicu na placoŭcy kala litoŭskaha zamka Narviliškies raspačniecca čaćviorty mižnarodny fiestyval Be2gether. Za try dni na im vystupić bolš za 50 artystaŭ z roznych krain śvietu.
Raskład pracy fiestyvalu
• Uvachod u pasiŭnuju zonu fiestyvalu (kiempinh, parkoŭka) adčyniajecca 25 červienia (piatnica) a 10.00.
• Uvachod u aktyŭnuju zonu fiestyvalu (sceny, zabavy) adčyniajecca 25 červienia (piatnica) a 15.00.
• Terytoryja fiestyvalu (u tym liku kiempinh i parkoŭka) začyniajecca 28 červienia (paniadziełak) a 9.00.
Što treba brać
• Dobry nastroj — abaviazkova!
• Dakumienty: pašpart, kvitok, strachoŭka asabistaja i na mašynu (plus pravy).
• Hrošy ŭ litach — abmianiać možna ŭ Šalčyninkai albo Vilni.
• Sotavy i zaradnaje — na placoŭcy pracuje biełaruskaja suviaź biez roŭminhu. Kali majecie aŭtamatyčny roŭminh, nie zabudźciesia pastavić pošuk sietki ŭ ručny režym.
• Namiot i spalnik — prakatu na miescy niama.
• Humavyja boty i daždžavik — jość mahčymaść daždžu.
• Ciopły švedar — nočču nie vielmi ciopła.
• Biarušy — kancerty buduć adbyvacca da pozdniaj nočy i na kiempinhu ich čuvać.
• Leki — kali prymajecie albo časam majecie alerhiju.
• Srodak ad kamaroŭ — lišnim nie budzie.
• U astatnim — nie biarycie z saboj ničoha, što budzie kryŭdna stracić.
Što nie treba brać
U aktyŭnuju zonu, dzie adbyvajucca kancerty, naviedvalnikam fiestyvalu nielha brać:
• Drenny i ahresiŭny nastroj.
• Parasony.
• Ściahi na dreŭcach.
• Vialikija sumki.
• Prafiesijnyja i blizkija da ich fotaaparaty.
• Audyjo- i videaaparaturu za vyklučeńniem płejeraŭ.
• Žyviołu.
Svaju ježu i napoi možna brać tolki ŭ pasiŭnuju zonu. Na terytoryi aktyŭnaj zony arhanizavana šmat kropak charčavańnia.
Vydatki na fiestyvali
• Kiempinh (miesca dla namiota, prybiralnia, dušy, rukamyjnicy) — 15 litaŭ (z asoby na ŭsie dni).
• Parkoŭka dla mašyny — 20 litaŭ (z mašyny na ŭsie dni).
• Charčavańnie ŭ aktyŭnaj zonie — kala 20 litaŭ na adzin raz (ale ŭsio zaležyć ad vašaha apietytu).
Jak dajechać
Praściej za ŭsio na mašynie — dastatkova znajści sabie dobruju kampaniju tut
i padzialić vydatki na ŭsich. Adlehłaść ad Minska — 250 km praź Lidu i Šalčyninkaj. Padrabiaźniej čytajcie tut.
Taksama možna jechać ciahnikom ci aŭtobusam da Vilniusa, a potym z centralnaha aŭtavakzała (znachodzicca praz darohu ad čyhunačnaha) na fiestyvalnych aŭtobusach (kaštujuć kala 20 litaŭ) da Narviliškies (ź pierasadkaj u Šalčyninkai). Raskład ruchu fiestyvalnych aŭtobusaŭ hladzicie tut.
Dadatkovaja infarmacyja
Poŭny tekst praviłaŭ fiestyvalu.
Poŭny raskład vystupaŭ.
Płan fiestyvalnaj placoŭki
Kvitki
Kali majecie šenhienskuju vizu, vy jašče možacie nabyć kvitki ŭ Minsku — na miescy jany buduć daražej. Hrupavyja (ad 4 asobnikaŭ) — 185 tys.rub., dla studentaŭ — 200 tys. rub. (pa paśviedčańni), dla astatnich — 250 tys.rub. Zamova kvitkoŭ i daviedka pa telefonach (029) 6 5555 96, (033) 6 5555 96.
