U Biełarusi kompleksnaja damova abaviazkovaha strachavańnia hramadzianskaj adkaznaści ŭładalnikaŭ transpartnych srodkaŭ dla mašyny z abjomam ruchavika da 1,8 ł budzie kaštavać kala 90 jeŭra na hod.
Pra heta paviedamiŭ namieśnik hienieralnaha dyrektara «Biełdziaržstracha» Siarhiej Jakubicki padčas online kanfierencyi na temu «Novaje ŭ strachavańni aŭtamabilaŭ» na sajcie BIEŁTA.
«Kali dla mašyny z abjomam ruchavika da 1,8 ł raniej aŭtastrachavańnie hramadzianskaj adkaznaści kaštavała 23 jeŭra na hod, to ciapier kompleksnaja damova budzie kaštavać 90 jeŭra. U sielskaj miascovaści z ulikam panižajučaha kaeficyjenta i źnižki — 34 jeŭra na hod», — skazaŭ Siarhiej Jakubicki. Pry hetym jon adznačyŭ, što ŭ kompleksnym strachavańni rehulavańnie ŭronu idzie z ulikam znosu transpartnaha srodku, KASKO pakryvaje ŭron biez uliku znosu.
Hienieralny dyrektar Biełaruskaha biuro pa transpartnym strachavańni Anton Aŭsiejka ŭ svaju čarhu dadaŭ, što dahavor kompleksnaha strachavańnia budzie ŭ siarednim kaštavać daražej, čym zvyčajny dahavor strachavańnia — u 3‑3,5 raza, ale ŭ razy mienš za KASKO. Pavodle jaho słoŭ, ukaz №519 nakiravany na ŭzmacnieńnie sacyjalnaj abarony majomasnych pravoŭ hramadzian, asabliva małazabiaśpiečanych. Patencyjalnymi spažyŭcami kompleksnaha strachavańnia buduć kiroŭcy‑pačatkoŭcy i kiroŭcy, jakija dapuskajuć mahčymaść učynieńnia DTZ.
Vykazvajučy mierkavańnie ab staŭleńni strachavych kampanij, u tym liku niedziaržaŭnych, da novaŭviadzieńniaŭ, a taksama robiačy prahnoz adnosna mahčymaha skaračeńnia ŭznosaŭ pa KASKO, pakolki kompleksnaje strachavańnie budzie tańniejšaje, hienieralny dyrektar BAS Iryna Mierźlakova raskazała, što transpartnaje strachavańnie — adzin z najbolš raźvitych vidaŭ strachavańnia ŭ krainie.
Siońnia ŭ partfieli strachavych kampanij 65 pracentaŭ strachavych uznosaŭ ad hramadzian — dobraachvotnaje strachavańnie KASKO.
Tamu pryvatnyja kampanii abmiarkoŭvali heta pytańnie. «Mierkavańnie pryvatnych strachoŭščykaŭ: kali i budzie adtok, to niaznačny — kala 10‑15 pracentaŭ. U asnoŭnym kompleksnaje strachavańnie budzie nakiravana na hramadzian — uładalnikaŭ niedarahich aŭto. Bo ŭ Biełarusi mnohija kampanii mašynu starejšuju za 10 hadoŭ nie biaruć na strachavańnie KASKO. Tamu dziaržava prapanuje ludziam voś takoje vyjście ź situacyi», — adznačyła Iryna Mierźlakova. Nahadajem, 1 lipienia 2010 hoda ŭstupaje ŭ siłu ŭkaz ad 23 kastryčnika 2009 hoda №519 «Ab uniasieńni źmianieńniaŭ i dapaŭnieńniaŭ u niekatoryja ŭkazy prezidenta Respubliki Biełaruś pa pytańniach strachavańnia», jaki ŭnosić źmianieńni i dapaŭnieńni ŭ paradak i ŭmovy praviadzieńnia abaviazkovaha strachavańnia hramadzianskaj adkaznaści ŭładalnikaŭ transpartnych srodk
