Dla Abjadnanaj hramadzianskaj partyi Kanada, mahčyma, navat bolšy pryjarytet, čym Jeŭropa i ZŠA. Pra heta zajaviŭ lider partyi Anatol Labiedźka, kamientujučy 14 červienia na pres‑kanfierencyi ŭ Minsku vyniki vizitu demakratyčnych palitykaŭ u hetuju krainu.
Pajezdka ŭ Kanadu pradstaŭnikoŭ demakratyčnych sił Biełarusi prachodziła 7—9 červienia. U skład delehacyi ŭvajšli Labiedźka, namieśnik staršyni AHP Jarasłaŭ Ramančuk, mižnarodny sakratar AHP Andrej Dźmitryjeŭ i lider hramadzianskaj kampanii «Havary praŭdu!» paet Uładzimir Niaklajeŭ.
«My ŭ Jeŭrasajuzie šmat času tracim na niejkija pieramovy i damoŭlenaści. U Kanadzie damaŭlacca možna chutka», — skazaŭ Labiedźka.
Ramančuk adznačyŭ, što «Jeŭropa i ZŠA dumajuć, što im rabić ź Biełaruśsiu. U Kanadzie ŭžo vyznačylisia pa hetym pytańni».
Pavodle jaho słoŭ, Kanada ŭžo dakładna vyznačyłasia ŭ svaich pryjarytetach pry supracoŭnictvie ź Biełaruśsiu. «Inviestycyi z Kanady mahčymyja tolki paśla demakratyčnych reform, ustanaŭleńnia realnaj svabody srodkaŭ masavaj infarmacyi, pluralizmu mierkavańniaŭ», — skazaŭ Ramančuk.
Palityk dadaŭ, što pajezdka apazicyjnych palitykaŭ u Kanadu pakazała dypłamatyčny pravał biełaruskich uład na kanadskim napramku.
Pavodle słoŭ Niaklajeva, «usia biełaruskaja dypłamatyja prajšła pa kalidorach ułady Kanady značna mienš, čym my za adnu pajezdku».
»U vypadku prychodu da ŭłady demakratyčnych sił Kanada hatovaja stać łakamatyvam intehracyi Biełarusi ŭ suśvietnuju ekanomiku», — pracytavaŭ Niaklajeŭ słovy premjer‑ministra Kanady Ściviena Charpiera. Labiedźka taksama paviedamiŭ, što demakratyčnyja palityki płanujuć ažyćciavić «surjoznuju pajezdku ŭ Bierlin». «Nam važna znajści adnaho mocnaha sajuźnika ŭ Jeŭropie. Chacieli b znajści takuju padtrymku ŭ Bierlinie ci Łondanie», — skazaŭ jon.
