Prymorskija «partyzany» zdalisia. Dvoje ź ich zahinuli padčas šturmu + videa zachopu adnaho z udzielnikaŭ hrupoŭki — Uładzimira Ilucikava 5

Siońnia ŭ horadzie Usuryjsk pravaachoŭnyja orhany likvidavali hrupoŭku, jakaja abviaściła vajnu miascovaj milicyi.

Padčas šturmu dva ŭdzielniki hrupy zahinuli — heta 22-hadovy Andrej Sucharada i 19-hadovy Alaksandr Sładkich. Jašče dvoje — Alaksandr Koŭtun i Uładzimir Ilucikaŭ — zdalisia ŭładam paśla pieramovaŭ.

Šturm kvatery, dzie chavalisia «partyzany», praciahvaŭsia 6 hadzin. Padčas jaho adzin ź milicyjanieraŭ byŭ paranieny ŭ nahu.

Na dadzieny momant ničoha nieviadoma ab losie kiraŭnika hrupoŭki — 32-hadovaha Ramana Muramcava.

Nahadajem, što złačynnaja hrupa, jakaja ŭ adkaz na niezakonnyja dziejańni prymorskaj milicyi abviaściła joj vajnu, dziejničała na praciahu dvuch tydniaŭ. Jaje ŭdzielniki spalili milicejski pastarunak, zabili adnaho milicyjaniera i paranili jašče dvaich.

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH