Ćviarski rajonny sud Maskvy pakaraŭ Siarhieja Machnatkina turemnym źniavoleńniem nibyta za napad na milicyjanta. Jaho zatrymali 31 traŭnia 2010 h. na Tryumfalnaj płoščy rasijskaj stalicy ŭ časie apazicyjnaj akcyi. Pa viersii ruchu «Salidarnaść», Siarhiej nie naležyć ni da adnoj z palityčnych siłaŭ, na płoščy ŭ časie akcyi apynuŭsia vypadkova. Paśla zatrymańnia jaho nibyta prykuli kajdankami da parenčaŭ u milicejskim aŭtobusie i na vačach 9 čałaviek źbili. 1 červienia jon źjaviŭsia ŭ pravaachoŭnyja orhany, kab apaznać tych, chto jaho źbivaŭ, ale byŭ aryštavany. Prakuror prasiŭ dla Machnatkina 5 hadoŭ turmy. Sudździa paličyła śviedak źbićcia zacikaŭlenymi asobami i da ich śviedčańniaŭ nie prysłuchałasia. U vyniku Siarhiej Machnatkin atrymaŭ 2,5 hady turmy. Jon abvieściŭ suchuju haładoŭku.
