Pieršym namieśnikam ministra kultury stanie Uładzimir Karačeŭski, jaki da hetaha pracavaŭ na pasadzie načalnika ŭpraŭleńnia kultury Minskaha harvykankama.
Siarhiej Nalivajka ŭzhodnieny na pasadu pieršaha namieśnika ministra pa padatkach i zborach. Raniej jon pracavaŭ načalnikam inśpiekcyi Ministerstva pa padatkach i zborach pa Kastryčnickim rajonie Mahilova.
Pieršym namieśnikam ministra achovy zdaroŭja budzie Valeryj Chadžajeŭ, jaki da hetaha byŭ hienieralnym dyrektaram vytvorča‑handlovaha respublikanskaha ŭnitarnaha pradpryjemstva «Biełmiedtechnika».
Uładzimir Dzierviankoŭ uzhodnieny na pasadu pieršaha namieśnika ministra transpartu i kamunikacyj. Raniej jon byŭ namieśnikam ministra.
Na pasadzie namieśnika ministra transpartu i kamunikacyj budzie pracavać Alaksandr Šyško, jaki da hetaha byŭ kiraŭnikom administracyi Maskoŭskaha rajona Bresta.
Akramia taho, Łukašenka daŭ zhodu na pryznačeńnie Andreja Šorca namieśnikam ministra žyllova‑kamunalnaj haspadarki (pracavaŭ na pasadzie načalnika ŭpraŭleńnia žyllova‑kamunalnaj haspadarki Viciebskaha abłvykankama) i Dźmitryja Hołuchava — namieśnikam ministra ekanomiki (raniej zajmaŭ pasadu načalnika ŭpraŭleńnia realizacyi manietarnaj palityki hałoŭnaha ŭpraŭleńnia manietarnych apieracyj Nacbanka ).
Mikałaj Fursievič byŭ pryznačany načalnikam Dziaržaŭnaj inśpiekcyi achovy žyviolnaha i raślinnaha śvietu pry kiraŭniku dziaržavy; Vasil Harbacienka — namieśnikam staršyni Dziaržaŭnaha pahraničnaha kamiteta — načalnikam hałoŭnaha ŭpraŭleńnia ideałahičnaj raboty i kadravaha zabieśpiačeńnia; Uładzimir Maisiejenka — načalnikam Instytuta pahraničnaj słužby; Andrej Zabara — namieśnikam staršyni Viarchoŭnaha suda; Piotr Mamanovič — členam praŭleńnia Nacyjanalnaha banka; Alaksandr Hałava — členam praŭleńnia Nacyjanalnaha banka; Taras Nadolny — členam praŭleńnia Nacyjanalnaha banka.
