za maj — na 2%.
Za tydzień, z 24 pa 31 maja, siaredniaja cana prapanovy kvadratnaha mietra na druhasnym rynku žylla ŭ stalicy źmienšyłasia na 0,6% i skłała 1.386 dalaraŭ. Na 31 maja liderami pa vieličyni siarednich cen u Minsku źjaŭlalisia Centralny (1.694 dalary za kvadratny mietr) i Saviecki (1.511) rajony. Samyja nizkija ceny — u Zavodskim (1.236), Maskoŭskim (1.334) i Frunzienskim (1.337) rajonach. Za tydzień siaredniaja cana na kvatery pavialičyłasia ŭ Leninskim rajonie na 0,59%. U astatnich rajonach Minska ceny źmienšylisia ad 0,26% da 1,56%, bolš za ŭsio — u Partyzanskim rajonie.
Siaredniaja cana kvater na 31 maja (i źmianieńni za tydzień) skłała:
adnapakajovych — 1.443 dalara/kv. m (źnižeńnie na 0,6%), dvuchpakajovych — 1.383 dalary/kv. m (źnižeńnie na 0,8%), trochpakajovych — 1.342 dalary/kv. m (źnižeńnie na 0,5%), čatyrochpakajovych — 1.348 dalaraŭ/kv. m (rost na 0,1%).
Lideram pa abjomie prapanovy druhasnaha žylla ŭ Minsku zastajecca Frunzienski rajon — 21%. Mienš za ŭsio prapanoŭ u Partyzanskim rajonie — 5%. Adnapakajovych kvater prapanoŭvałasia 29%, dvuchpakajovych — 36%, trochpakajovych — 27%, čatyrochpakajovych — 8%.
Kvatery ŭ novabudoŭlach Minska prapanoŭvajuć pa kamiercyjnych cenach ad 700 da 3 tys. dalaraŭ za kvadratny mietr. Siaredniaja cana prapanovy dolevaha budaŭnictva kvater i novabudoŭlaŭ u Minsku składaje 1.286 dalaraŭ/kv. m,
što na 0,3% bolš, čym tydzień tamu, na 0,8% mienš, čym u pačatku maja, i na 3,5% bolš, čym u pačatku hoda.
Dla paraŭnańnia: pavodle źviestak ukrainskaha partała nieruchomaści realt.ua, siaredniaja cana kvater na druhasnym rynku Kijeva za tydzień źmienšyłasia na 0,3%, z pačatku hoda pavialičyłasia na 1,3% i skłała 2.226 dalaraŭ/kv. m. Siaredniaja cana kvater na piarvičnym rynku Kijeva za hety pieryjad nie źmianiłasia, z pačatku hoda źmienšyłasia na 8,4% i skłała 1.695 dalaraŭ/kv. m.
Pavodle źviestak partała nieruchomaści irn.ru, siaredniaja cana kvater na druhasnym rynku Maskvy za tydzień pavialičyłasia na 0,1%, z pačatku hoda — na 8,3% i składaje 4.431 dalar/kv. m (na 31 maja 2010 hoda).
