Na vybarach u municypalnuju radu stalicy Isłandyi Rejkjavik atrymała pieramohu Najlepšaja partyja, lideram jakoj źjaŭlajecca komik Jon Hnar. Partyja atrymała padtrymku 34,7% vybarščykaŭ, što dazvoliła Hnaru stać meram stalicy.
Najlepšaja partyja, zasnavanaja paŭhoda tamu, pazicyjanuje siabie jak «adkryta karumpavanaja» i abiacaje nie vykonvać svaich pieradvybarčych abiacańniaŭ.
Na vybarach partyja harantavała vybarščykam biaspłatnyja ručniki ŭ basiejnach, biełaha miadźviedzia ŭ zaaparku, Dysnejłend u aeraporcie Rejkjavika, a taksama «čystki ŭ palitycy».
Druhoje miesca atrymała Niezaležnaja partyja — adnoj z samych papularnych palityčnych arhanizacyj u krainie addali svajo pieravahu 33,6% hałasoŭ. Treciaje miesca z 19,1% hałasoŭ zaniaŭ Sacyjał‑demakratyčny aljans, jaki vałodaje bolšaściu ŭ isłandskim parłamiencie.
Pa vynikach vybaraŭ, Najlepšaja partyja zojmie ŭ municypalnaj radzie Rejkjavika šeść miescaŭ z 15, Niezaležnaj partyi dastalisia piać kresłaŭ. Sacyjał‑demakraty atrymali try miescy, jašče adzin deputat budzie pradstaŭlać ruch zialonych. Vybary adbylisia ŭ subotu, 29 maja.
U lutym minułaha hoda premjer‑ministram Isłandyi była abrana lider Sacyjał‑demakratyčnaha aljansu Jochana Sihurdardacir, jakaja stała pieršym u śviecie kiraŭnikom urada, jaki znachodzicca ŭ adnapołym šlubie.
