Fabryka pa vypusku džynsavaj vopratki praz hod adkryjecca ŭ Hrodna na rahu vulic Dziaržynskaha i Biełyja Rosy. U lipieni minułaha hoda pradpryjemstva z zamiežnym kapitałam «BiełRader» było zarehistravana administracyjaj SEZ «Hrodnainviest» u jakaści rezidenta. A jaho
zasnavalniki — polskaja firma «Rader» z Krakava i brytanskaja kampanija z Uelsa, jakija prafinansujuć prajekt.Košt prajektu — bolš za 2 miljony jeŭra. Pradukcyja budzie paznačanaja handlovaj markaj «RADER».
— Dla paśpiachovaha raźvićcia płanujem vykarystoŭvać dvaccacihadovy vopyt vytvorčaści džynsaŭ polskaj kampanii «Rader», — raspaviadaje dyrektar ZTAA «BiełRader» Andrej Šapialevič. —
Fabryka ŭ Hrodnie budzie dakładnaj kopijaj toj, jakaja raźmieščana ŭ pryharadzie Krakava.
Z puskam fabryki ŭ horadzie źjavicca 150 vakantnych miescaŭ. Budučyja technołahi projduć navučańnie na amierykanskim zavodzie ŭ polskim horadzie Łodź. Fabryka štomiesiac budzie vypuskać prykładna 20 tysiač vyrabaŭ, jaje pracu arhanizujuć u dźvie źmieny. Hrodziency zmohuć kupić džynsavuju vopratku ŭ kramie na prachadnoj.
