…paśla taho, jak kožny z troch ułaśnikaŭ zajzdrosnaha numara 0-888-888-888 bałharskaha apieratara skanaŭ pry zahadkavych abstavinach, piša telegraph.co.uk.
Pieršym dziesiać hadoŭ tamu numar 0-888-888-888 uziaŭ sabie vykanaŭčy dyrektar bałharskaha mabilnaha apieratara «Mabitel» Uładzimir Hrašaŭ. A ŭ 2001-m, usiaho ŭ 48 hadoŭ, — pamior ad raku. Chadzili čutki, što jaho źviali ŭ mahiłu kankurenty… napuściŭšy radyjeaktyŭnych promniaŭ.
Potym numar pierajšoŭ da hałoŭnaha bałharskaha mafijozi Kanstancina Dzimitrava. U 2003-m jaho zastrelać pa darozie ŭ Niderłandy, dzie, vierahodna, pierachoŭvalisia jaho bahaćci. U kišeni 31-hadovaha niabožčyka lažaŭ mabilnik z zapaminalnym numaram.
Nastupny ŭładalnik nula ź dzieviaćciu vaśmiorkami — handlar nieruchomaściu Kanstancin Dyšleŭ. Nu, ale nie tolki nieruchmaściu, a šče j kakainam, jak akazałasia. U 2005 hodzie bałharskaja palicyja pierajmaje jahonuju pasyłku z narkotykami na 130 miljonaŭ dalaraŭ. Ale zamiest kab šukać narkahandlara, davodzicca šukać jahonych zabojcaŭ — Dyšleŭ zabity niekalkimi dniami raniej pa darozie ŭ Kałumbiju. Dahetul nieviadoma, kim.
Paśla apošniaj śmierci ŭłaśnika mabilnaja kampanija vyrašyła adklučyć numar 0-888-888-888 zusim, a čamu vyrašyła — žurnalistam nie kamientuje.
