Chaŭjer Dzaneci ŭzdymaje zapavietny trafiej nad hałavoj, uefa.com
Hieroj matču Dyjeha Milita.
Były vučań i jaho nastaŭnik.
Maŭryńjo praź imhnieńnie paśla hołu, fota daylife.com
Miłanski «Inter» staŭ pieramožcam futbolnaj Lihi čempijonaŭ siezona 2009-2010. 22 maja ŭ Madrydzie na stadyjonie «Sanćjaha Biernabieŭ» italjanski kłub abyhraŭ miunchienskuju «Bavaryju» (hałoŭny trenier – Łui van Hał) – 2:0.
Na 35-j i 70-j chvilinach vyznačyŭsia arhienciniec, ci nie hałoŭnaja zorka kłuba Dyjeha Milita.
Heta treci hałoŭny jeŭrapiejski trafiej miłanskaha kłuba (1964, 1965, 2010)
Cikava, što ŭ startavym składzie nie było nivodnaha italjanca (taki voś arhiencinska-brazilska-hałandska-rumynska-makiedonska-hanska-kamierunska-sierbski "internacyjanał" + trenier-partuhalec). Praŭda, pry kancy matču Dyjeha Militu zamianiŭ italjaniec Marka Materacy.
Takim čynam «Inter» sioleta pad kiraŭnictvam partuhalca Žaze Maŭryńju zavajavaŭ try tytuły: staŭ pieramožcam čempijanatu Italii, kubka krainy i najmacniejšaj kamandaj Jeŭropy.
Što da samoha Žaze Maŭryńju, to ŭ 2004 hodzie jon vyjhraŭ Lihu čempijonaŭ razam z «Portu».
Vinšujem biełaruskich prychilnikaŭ italjanskaha kłuba ź bliskučym siezonam.
***
Barysaŭski BATE braŭ udzieł u kvalifikacyi Lihi čempijonaŭ, ale vybyŭ u 3-m raŭndzie, prajhraŭšy pa sumie dvuch matčaŭ łatvijskamu «Vientśpiłsu».