Eks‑premjer Ukrainy Julija Cimašenka siońnia naviedała Hienprakuraturu Ŭkrainy.
U hałoŭnym śledčym upraŭleńni Hienprakuratury joj uručyli pastanovu ab adnaŭleńni kryminalnaj spravy, jakaja viałasia suprać jaje ŭ 2004 hodzie. Tady Cimašenku vinavacili ŭ dačy chabaru sudźdiam Viarchoŭnaha sudu. Hetuju spravu zakryli ŭ 2005 hodzie pavodle rašeńnia Viarchoŭnaha sudu i Hienprakuratury. Ciapier prakurory ličać, što sprava nie była daśledavanaja pavodle zakonu.
Na 17 traŭnia Cimašenka vyklikali na dopyt u jakaści padazravanaj i dla abviaščeńnia rašeńnia ab miery strymańnia.
Julija Cimašenka nazvała spravu «falšyŭkaj kučmaŭskaha času». Cimašenka ličyć, što sprava adnoŭlenaja, kab pieraškodzić jaje apazycyjnaj dziejnaści. Cimašenka źjaŭlajecca lideram bujniejšaj prazachodniaj apazycyjnaj partyi, jana abvinavačvaje prezydenta Viktara Janukoviča ŭ zdradzie nacyjanalnych intaresaŭ Ukrainy na karyść Rasiei.
