U žyćci biełaruskaj Vilni značnaja padzieja. U śviet vyjšła kniha «Biełarusy ŭ Litvie: učora i siońnia. Kniha I». Napisaŭ jaje žychar Vilni, vychadziec z Šarkoŭščyny, Aleś Adamkovič.
Aleś — daktarant Instytuta litoŭskaj movy, pracuje vykładčykam biełaruskaj litaratury na fiłałahičnym fakultecie Vilenskaha piedahahičnaha univiersiteta. Z 2002 hoda žyvie ŭ Vilni i prymaje aktyŭny ŭdzieł u miascovym biełaruskim žyćci. U pryvatnaści Aleś uvachodzić u Radu Tavarystva biełaruskaj kultury Litvy.
Kniha pryśviečana vyvučeńniu staronak historyi biełarusaŭ u Litvie. U pieršaj častcy na materyjałach Litoŭskaha dziaržaŭnaha centralnaha archiva razhladajucca momanty z žyćcia biełarusaŭ Vilenskaha kraju za polskim časam
U druhoj častcy źmieščany intervju sa znakamitymi vilenčukami našaha dnia. Vydańnie adrasavana navukoŭcam, vykładčykam, studentam, krajaznaŭcam i ŭsim tym, chto cikavicca minułym i siońniašnim biełarusaŭ
U knizie vykarystany zdymki Źmitra Vilenskaha, Siarhieja Dubaŭca, Valery Rusielika, aŭtara, z asabistych archivaŭ Lilei Płyhaŭki, Taćciany Dubaviec, Haliny Sivałavaj, Chviedara Niuńki, Siarhieja Karabača, Leakadyi Šyšei, źmieščany kopii dakumientaŭ ź Litoŭskaha dziaržaŭnaha centralnaha archiva. Na star. 8 — karcina Taćciany Tarasavaj «Vilenski dvoryk».
Kniha źjaviłasia, dziakujučy finansavaj padtrymcy ananimnaha miecenata, jaki chavajecca pad psieŭdanimam Źmicier Vilenski, jaki pryniaŭ aktyŭny ŭdzieł u padrychtoŭcy knihi da druku.
Jak kaža aŭtar, heta tolki pieršaja kniha ź sieryi, jakuju jon płanuje pryśviacić vilenskaj tematycy. Ahułam miarkujecca vydać 4–5 tamoŭ. Pieršy tom sieryi vydadzieny nakładam 500 asobnikaŭ. Jaho abjom kala 200 staronak.
Kniha budzie cikavaja nie tolki biełarusam Litvy, ale i suajčyńnikam na Radzimie. Mienavita tamu prezientacyi knihi majuć prajści i Litvie, i ŭ Biełarusi. U Litvie prezientacyja adbudziecca ŭ Tavarystvie biełaruskaj kultury 29 traŭnia.
