 S. Saładoŭnikaŭ, dinamo-minsk.by |
Paśla parazy ad barysaŭskaha BATE (0:1) u matčy 9‑ha turu čempijanatu Biełarusi pa futbole hałoŭny trenier minskaha «Dynama» 37-hadovy Siarhiej Hurenka padaŭ zajavu pra adstaŭku, jakaja była pryniata kłubam.
V.a. hałoŭnaha treniera pryznačany 51-hadovy Siarhiej Saładoŭnikaŭ, jaki dahetul pracavaŭ u kłubie, paviedamlaje aficyjny sajt futbolnaha kłuba.
Paśla 9-ci turaŭ sioletniaha čempijanatu «Dynama» zajmaje 4-y radok, adstajučy ad BATE na 7 bałaŭ.
***
Siarhiej Hurenka byŭ pryznačany hałoŭnym trenieram minskaha «Dynama» 21 žniŭnia 2009 hoda. kali brać adlik ad kanca 1999 hoda, kali kiraŭnikom Naziralnaj Rady kłuba staŭ biźniesmien Jury Čyž, Hurenka staŭ 20-m trenieram «Dynama». Saładoŭnikaŭ budzie 21-m trenieram.
Siarhiej Saładoŭnikaŭ źjaŭlajecca najlepšym bambardziram FK «Nioman» (za savieckim časam «Chimik») za ŭsiu jaho historyju. Byŭ trenieram «Niomana» ŭ 1997 — 2005 hadach.
U 2002 hodzie kamanda pad jaho kiraŭnictvam zavajavała siarebranyja miedali čempijanatu Biełarusi. Heta najlepšy jaje vynik u nacyjanalnym pieršynstvie. Apošni časam pracavaŭ u trenierskim štabie «Dynama».
Treniery «Dynama» ad kanca 1999 hoda
1. Jury Kurnienin
2. Pavieł Radnionak
3. Alaksandr Piskaroŭ (Rasija)
4. Hieorhi Kandraćjeŭ
5. Eduard Małafiejeŭ
6. Andrej Zyhmantovič
7. Vienijamin Arzamascaŭ (u jakaści v.a)
8. Hieorhi Hiuraŭ (Bałharyja)
9. Anatol Bajdačny
10. Piotr Šubin (Rasija)
11. Jury Šukanaŭ
12. Alaksandr Bašmakoŭ
13. Alaksandr Rabakoń (Ukraina)
14. Alaksiej Piatrušyn
15. Piotr Kačura
16. Alaksandr Chackievič
17. Ihar Kryvušenka
18. Słavalub Muślin (Sierbija)
19. Kiryła Alšeŭski
20. Siarhiej Hurenka
21. Siarhiej Saładoŭnikaŭ.
Za hetyja dziesiać hadoŭ siamirazovy čempijon Biełarusi tolki adzin raz zavajavaŭ čempijonski tytuł, u 2004 h. (Jury Šukanaŭ), i piać razoŭ stanaviŭsia vice‑čempijonam (2001 — Małafiejeŭ; 2005 — Rabakoń; 2006 — Piatrušyn, 2008 — Muślin, 2009 — Hurenka).
