Da kanca pieršaha paŭhodździa 2010 hoda Alaksandr Łukašenka naviedaje Azierbajdžan. Pra heta 4 maja paviedamiŭ žurnalistam u Baku biełaruski pasoł Mikałaj Packievič, pieradajuć azierbajdžanskija ŚMI.
Pavodle słoŭ Packieviča, u ramkach vizitu čakajecca padpisańnie šerahu mižuradavych pahadnieńniaŭ. Raspracoŭvajecca kala 20 dakumientaŭ, pałova ź jakich budzie pradstaŭlena na padpisańnie, skazaŭ pasoł. Tak, zavieršana ŭzhadnieńnie prajekta pahadnieńnia ab uzajemnaj abaronie inviestycyj.
5—7 maja ŭ Baku projdzie II Nacyjanalnaja vystava Biełarusi, u jakoj voźmuć udzieł 150 biełaruskich pradpryjemstvaŭ.
Napiaredadni vizitu Łukašenki ŭ Baku projdzie šostaje pasiadžeńnie azierbajdžana‑biełaruskaj mižuradavaj kamisii pa ekanamičnym supracoŭnictvie.
Nahadajem, u listapadzie 2009 hoda Biełaruś naviedaŭ prezident Azierbajdžana Ilcham Alijeŭ. U chodzie aficyjnaha vizitu abmiarkoŭvalisia sumiesnyja ekanamičnyja prajekty, a taksama pytańni, źviazanyja ź sielskaj haspadarkaj, turyzmam, pramysłovaj vytvorčaściu, transpartam, enierhietykaj.
