Biełaruskaje MZS «ździŭlena i škaduje», što krainu nie zaprasili ŭ Vašynhton na samit pa jadziernaj biaśpiecy.
«Biełaruś pierakanana padtrymlivaje nieabchodnaść umacavańnia jadziernaj biaśpieki i baraćby ź jadziernym teraryzmam, nieraspaŭsiudžvańnie jadziernaj zbroi, što źjaŭlajecca, jak było zajaŭlena, pradmietam vašynhtonskaha "samita", i spadziajecca na pośpiech usich mižnarodnych namahańniaŭ u hetym rečyščy», — havorycca ŭ kamientary načalnika ŭpraŭleńnia infarmacyi — pres‑sakratara MZS Andreja Savinych.
Ale niezaprašeńnie Abamam Łukašenki baluča začapiła biełaruskaha dyktatara.
«Razam z tym, — zajaviła MZS, — zajaŭlenyja mety "samita", jak ujaŭlajecca, nie całkam suadnosiacca z adabranym Vašynhtonam składam udzielnikaŭ mierapryjemstva, jaki nie tolki nie źjaŭlajecca univiersalnym, ale i nie ŭklučaje poŭnaje koła asnoŭnych dziejsnych subjektaŭ mižnarodnych namahańniaŭ u hetaj halinie. U pryvatnaści, Biełaruś nie budzie pradstaŭlena na mierapryjemstvie».
«Sielektyŭny padychod Vašynhtona da zaprašeńnia dziaržaŭ vyklikaje ździŭleńnie i škadavańnie, nosić kontrpraduktyŭny charaktar z punktu hledžańnia nadziejnaści harantyj jadziernaj biaśpieki dla dziaržaŭ, jakija admovilisia ad najaŭnaści jadziernaj zbroi», — zajaviŭ Savinych.
«Naša kraina ŭniesła pryncypova važny ŭkład u spravu jadziernaha razzbrajeńnia, pieršaj i dobraachvotna admoviŭšysia ad svajho stratehičnaha jadziernaha nastupalnaha patencyjału.Biełaruś praciahvaje ihrać važkuju rolu ŭ śfiery nieraspaŭsiudžvańnia, zabieśpiačeńnia zachavanaści jadziernych materyjałaŭ i supraćdziejańnia jadziernamu teraryzmu šlacham adkaznaha vykanańnia mižnarodnych abaviazacielstvaŭ», — padkreśliŭ pres‑sakratar.
«Na našu dumku, — adznačyŭ Savinych, — sapraŭdny pośpiech u baraćbie z takoj hłabalnaj źjavaj, jak teraryzm, u tym liku jadzierny, a taksama źnižeńnie pahrozy raspaŭsiudžvańnia jadziernaha materyjału mahčymy tolki za košt kalektyŭnych namahańniaŭ členaŭ suśvietnaj supolnaści».
Samit pa prablemach jadziernaj biaśpieki prachodzić u Vašynhtonie 12–13 krasavika. Na jaho źjechalisia lidery 47 krain, u tym liku Rasii. U pryvatnaści, učora Barak Abama ŭ ramkach samita sustreŭsia adzin na adzin z Nursułtanam Nazarbajevym, prezidentam Kazachstana. Dla Abamy hety samit asabliva važny, bo jon nadaje admysłovaje značeńnie atamnamu razzbrajeńniu. Niadaŭna ZŠA padpisała damovu
Što da niezaprašeńnia, to Alaksandr Łukašenka akazaŭsia ŭ małym hronie. Nie zaprasili taksama fanatyčnaha prezidenta Irana Achmadzinedžada i tyrana Paŭnočnaj Karei Kima.
Biełaruś mieła padvojnuju padstavu być zaprošanaj: kraina admoviłasia ad atamnaj zbroi i, da taho ž, u krainie pracuje ŭ navukovych metach jadzierny reaktar dy płanujecca pabudova AES. Adnak adnosiny Biełarusi z ZŠA stajać na kropcy zamiarzańnia.Biełaruski bok trymaje amierykanskaje pasolstva na miažy zakryćcia. Akramia taho, jon paśladoŭna raźvivaje kantakty z antyamierykanskimi režymami ad Vieniesueła da Sudana, što vyklikaje razdražnieńnie Vašynhtona. Narešcie, biełaruski režym maje paskudnuju reputacyju z pryčyny poŭnaha ihnaravańnia pravoŭ čałavieka ŭ krainie.
