10 krasavika 2010 hodu zdaryłasia adna z najvialikšych trahiedyj u historyi Polščy. Pa darozie na ŭračystyja mierapryjemstvy z nahody 70-hodździa Katynskaha rasstrełu ŭ avijakatastrofie pad Smalenskam zahinuli prezident Polščy Lech Kačyński, žonka prezidenta Maryja Kačyńska, pradstaŭniki najvyšejšaj dziaržaŭnaj ułady, vysokapastaŭlenyja ŭradavyja čynoŭniki i vajennyja i ŭsie astatnija čalcy polskaj delehacyi, a taksama ekipaž samalota.
My sutyknulisia z katastrofaj, jakuju niemahčyma ŭjavić i ŭśviadomić. Našaja kraina paniesła vialikuju stratu. Dzień katastrofy pad Smalenskam zastaniecca čornaj staronkaj u historyi Jeŭropy i śvietu.
Niama słovaŭ, kab vykazać toje, što ŭsie my adčuvajem u hety momant. Tyja, chto mieŭ ŭšanavać pamiać pra sałdat Katyni, zahinuli ŭ Katynskim lesie. Budźma razam u hetyja ciažkija časy.
Dziakujem usim za prajavy spačuvańnia i salidarnaści ŭ bolu i ciarpieńni.
Pasoł Respubliki Polščy ŭ Respublicy Biełaruś Hienryk Litvin, a taksama pracaŭniki Pasolstva i Instytutu Polskaha ŭ Minsku
