U Aŭstryi pad kołami aŭtatranspartu ŭ minułym hodzie zahinuli kala 40 tysiač zajcoŭ i trusoŭ, paviedamiŭ u aŭtorak aŭstryjski kłub aŭtaamataraŭ. Bolš za pałovu incydentaŭ zarehistravana ŭ ziamli Nižniaja Aŭstryja.
Takuju statystyku kłub apublikavaŭ napiaredadni Vialikadnia nie vypadkova, bo simvałam śviata ŭ niamieckamoŭnych krainach źjaŭlajecca vielikodny zajac. Pad Vialikdzień jaho možna sustreć u Aŭstryi paŭsiudna: na firankach, na dźviarach i na voknach damoŭ: ad šakaładnaj zvykłaj miakkaj cacki da draŭlanych i kieramičnych.
Publikujučy svaje źviestki, kłub aŭtaamataraŭ vyrašyŭ pryciahnuć čarhovy raz uvahu hramadskaści da prablemy dzikich žyvioł na aŭstryjskich darohach. Niahledziačy na amal paŭsiudnyja drotavyja aharodžy, žyvioły časta vyskokvajuć na darohu. Kali sutyknieńnie z zajcam čaściakom zakančvajecca tolki hibiellu apošniaha, to DTZ z bolš bujnymi žyviołami, naprykład, z aleniami, pahražaje ciažkimi nastupstvami i samomu kiroŭcu.
0
0
0
0
0
0
