Łatareja Łatuški paciaśniła «Vaša łato» i «Supierłato» +dakumient Ministerstva kultury z prośbaj ab raspaŭsiudzie łatarejnych biletaŭ 12

Supracoŭnikaŭ «Biełarusbanka» prainstruktavali — ciapier naviedvalnikam treba pieradusim prapanoŭvać łatarejnyja bilety «Skarbnicy». «Vaša łato» i «Supierłato» adyjšli na druhi płan.

Častka hrošaj ad realizacyi biletaŭ śpiecyjalnaj łatarei «Skarbnica» musić pajści na adnaŭleńnie Navahradskaha zamka. Heta była inicyjatyva ministra kultury Paŭła Łatuški.

«Nabyŭšy adzin bilet «Skarbnicy», vy dadajacie dźvie cahlinki dla rekanstrukcyi zamka», — hučyć słohan akcyi.

Bilet, darečy, kaštuje 2500 rubloŭ, a ŭsiaho ich nadrukavana 36 tysiač.

Sistema raspaŭsiudu lubych łatarejnych biletaŭ takaja — kožnaje adździaleńnie banku biare častku biletaŭ na raspaŭsiud. Za niekalki dzion da praviadzieńnia rozyhryšu niepradadzienyja «łatarejki» viartajucca arhanizataram. Sa «Skarbnicaj» skłałasia inšaja situacyja.

Pa bankach byŭ razasłany list za podpisam pieršaha namieśnika ministra kultury Uładzimira Ryłatki.

U im čynoŭnik nahadvaje, što «pastupleńnie srodkaŭ na praviadzieńnie restaŭracyjna-uznaŭlalnych mierapryjemstvaŭ… zaležyć ad kolkaści pradadzienych biletaŭ» i prosić «akazać sadziejańnie ŭ aktyŭnaj realizacyi łatarejnych biletaŭ». U dadatak, zvarot da «pavažanaj Nadziei Andrejeŭny» — staršyni praŭleńnia «Biełarusbanka» Nadziei Jermakovaj — utrymlivaje prośbu «mahčymaha ŭdziełu ŭ akcyi» samoha banku.

U «Biełarusbanku» prośbu ŭspryniali z usioj adkaznaściu. Jak raskazaŭ karespandentu «NN» supracoŭnik adnaho ź minskich adździaleńniaŭ banku,

kiraŭnictva paviedamiła supracoŭnikam: «Niepradadzienych łatarejnych biletaŭ zastacca nie pavinna. Viartać nie budziem nivodnaha bileta».

Kopija razasłanaha dakumienta

Jaŭhien Vasilkoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH