Pad čyrvonaj zorkaj i svastykaj: Baranavičy ad 1939 da 1944 h. Zachodniaja Biełaruś pad savieckaj i niamieckaj akupacyjaj. Alaksandar Brakiel, 2009 h. 426 staronak.
Alaksandar Brakiel, naradziŭsia ŭ 1976 h. u Bonie. Navukovy supracoŭnik Univiersiteta imia Hutenbierha ŭ horadzie Majnc, Hiermanija. Zajmajecca vyvučeńniem historyi siaredniaviečča i novaha času, uschodiejeŭrapiejskaj historyi i słavistyki.
Hetaja praca źjaŭlajecca pieršym paraŭnaŭčym analizam savieckaha i niamieckaha akupacyjnaha režymu na terytoryi, jakaja ciapier źjaŭlajecca zachodniaj častkaj Biełarusi. Aŭtar pakazvaje šyrokuju panaramu žyćcia i pakutaŭ nasielnictva ŭ rehijonie Baranavičaŭ ad 1939 da 1944 h., bazujučysia na šmatlikich niamieckich, savieckich, polskich i biełaruskich krynicach. Aŭtar asablivuju ŭvahu nadaje analizu stratehijaŭ vyžyvańnia miascovych žycharoŭ pamiž dvuma tatalitarnymi režymami: prystasavańnia, supracoŭnictva i supracivu. Varta adznačyć asablivuju ŭvahu, jakaja nadajecca vyvučeńniu adnosinaŭ savieckaha i polskaha partyzanskich ruchaŭ da cyvilnaha nasielnictva. U knizie adlustravana taksama i adroznaja nacyjanalnaja palityka savieckaj i niamieckaj ułady ŭ adnosinach da biełarusaŭ, palakaŭ, habrejaŭ, a taksama ŭpłyŭ hetaj palityki na adnosiny pamiž hetymi nacyjanalnymi hrupami. Taksama analizujucca pavodziny niehabrejskaha nasielnictva va ŭmovach masavaha źniščeńnia habrejaŭ niamieckimi zachopnikami.
Vychodnyja dadzienyja knihi:
Unter Rotem Stern und Hakenkreuz: Baranowicze 1939 bis 1944 Das westliche Weißrussland unter sowjetischer und deutscher Besatzung. Diss. Alexander Brakel 2009, XII, 426 Seiten, Maße: 17,1 x 24,4 cm, Gebunden, Deutsch Schöningh ISBN‑10: 3506767844 ISBN‑13: 9783506767844
