Nacyjanalny bank Biełarusi z 17 lutaha źnižaje staŭku refinansavańnia na 0,5 pracentnaha punkta da 13% hadavych.
Pra heta paviedamili va ŭpraŭleńni infarmacyi hałoŭnaj bankaŭskaj ustanovy krainy. Adpaviednaje rašeńnie pryniata praŭleńniem Nacyjanalnaha banka (pastanova ad 15.02.2010 №14).
Adnačasova na 1 pracentny punkt źnižajucca staŭki Nacbanka pa pastajanna dastupnych apieracyjach rehulavańnia likvidnaści bankaŭ.
U Nacbanku patłumačyli, što hetaja miera realizavanaja ŭ ramkach palityki pastupovaha źnižeńnia ahulnaha ŭzroŭniu pracentnych stavak, jakaja pravodzicca na fonie ŭzmacnieńnia pazityŭnych tendencyj u ekanomicy i finansavaj śfiery krainy. Źnižeńnie koštu zapazyčańniaŭ pašyryć mahčymaści biełaruskich pradpryjemstvaŭ i nasielnictva pa pryciahnieńni bankaŭskich kredytaŭ i budzie spryjać pavyšeńniu tempaŭ ekanamičnaha rostu ŭ Biełarusi.
Z 1 śniežnia 2009 hoda staŭka refinansavańnia ŭ Biełarusi składaje 13,5% hadavych.