Voś takuju «Suvoraŭskuju kašu» vypuskaje minskaje AAT «Dobrada». Našym prodkam pradukt z takoj nazvaj staŭ by ŭpopierak horła.
Bo rasijski pałkavodziec XVIII st. Alaksandr Suvoraŭ viadomy nie tolki tym, što pieramahaŭ va ŭsich bitvach, ale i tym, što nie ŭdzielničaŭ u nivodnaj vyzvolnaj vajnie. Jon byŭ kułakom rasijskaj impierskaj vajenščyny, i jaho karniki biaźlitasna dušyli paŭstańnie Kaściuški na terytoryi Biełarusi. Za hetu «pieramohu» Kaciaryna II dała jamu ŭ pažyćciovaje vałodańnie Kobryn i 13 tysiač
U Armienii niama pomnikaŭ tureckim pałkavodcam. U Niderłandach nie pradajucca miuśli «Hiercah Alba».
Ź inšaha boku, što ŭziać z AAT «Dobrada», kali minskaja vajskovaja vučelnia dahetul — Suvoraŭskaja, kali pomnik Suvoravu staić u Kobrynie, a jašče budujecca chram u jaho pamiać. Kali na dziaržaŭnym uzroŭni ničoha nie robicca dla adnaŭleńnia histaryčnaj pamiaci. Kali prymajecca prarasijskaja viersija historyi, zručnaja dla intehracyjnych hulniaŭ.
Ci ŭstanie čałaviek z kałanizavanaj śviadomaściu baranić intares svajoj krainy? Naŭrad ci pra heta zadumvajucca ŭłady siońnia.
