Muzyčny alternatyŭ pa-za praviłami i marallu + foty

U Minsku prajšoŭ festyval «Možna» z udziełam dzieviaci biełaruskich hurtoŭ.

Arhanizatary i ŭdzielniki «Možna» usiu noč ź piatnicy na subotu mielisia dakazać, što jany dy ŭdzielniki festu — pa-za palitykaj, pa-za praviłami i pa-za normami marali. Na adnu noč placoŭka kłuba «Reaktar» u Minsku pieratvaryłasia ŭ astravok svabody ad umoŭnaściaŭ.

Kryzis, jak ni dziŭna, prynios sioleta ŭ muzyčnuju prastoru Biełarusi pazityŭ i ŭdaču. Fiestyval biełaruskaj alternatyŭnaj muzyki «Možna», jaki dva hady zapar pravodziŭsia ŭ Maskvie, sioleta prajšoŭ u minskim kłubie «Reaktar». Sa słoŭ arhanizataraŭ, z-za finansavych prablem jany vymušany byli pieranieści fest z rasijskaj placoŭki na biełaruskuju.

Tyja, chto nie znajomy z alternatyŭnym nakirunkam ajčynnaj muzyki, moh by skazać, što praviadzieńnie takoha festu ŭ Minsku kudy łahičniej. Ale znaŭcy viedajuć, što popyt na biełaruskuju altiernatyŭnuju muzyku ŭ Rasii značna bolšy. Rasijski słuchač bolš padrychtavany dla «inšaj» muzyki.

Alaksandr Bahdanaŭ, čałaviek, dziakujučy jakomu i adbyłosia hetaje mierapryjemstva, u razmovie paćvierdziŭ, što rasijskaja publika «na ura» ŭsprymaje naš alternatyŭ, tady jak u Biełarusi amatarami hetaha nakirunku zastajecca dosyć niešyrokaje koła. Ale tym nie mienš kvitki na fest u kasach horada byli raskupleny za tydzień, a miesca ŭ samym vialikim kłubie Minska było małavata dla ŭsich žadajučych.

Vystupili pieršymi i razahreli natoŭp chłopcy z RockerJoker, jakija akreślivajuć svaju muzyku jak «ałka-buhi». Pieśni jany vykonvali za impravizavanym stałom, jaki pastavili na scenie, i pieryjadyčna zaklikali narod dałučycca i vypić razam ź imi.

Hety hurt možna vyłučyć za najbolšuju epatažnaść i najbolšuju kolkaść niecenzurnych słoŭ u pieśniach.

Nastupnym vyjšaŭ hurt «Nahual» (bałotny etna-pank), jaki razvarušyŭ publiku rytmičnymi pieśniami. Užo paźniej u hrymiorcy salist hurtu

Leanid Paŭlonak pryznaŭsia, što nie bačyć vialikich pierśpiektyŭ dla hurtu ŭ Biełarusi. «Publika jość, ale ŭźnikajuć prablemy z pradusavańniem. Nichto nie žadaje bracca za alternatyŭnych muzykaŭ», —

adznačyŭ jon. Tym nie mienš, niahledziačy na taki piesimizm u razmovach, na scenie Lonia raspalvaŭ narod pa poŭnaj, doračy nievierahodny drajv. Vystupy hurtoŭ supravadžalisia savieckimi mulcikami, jakija demanstravalisia na ekranie nad scenaj. Heta dadavała psichadeličnaści i absalutna adryvała publiku ad realnaści.

Čakany i lubimy mnohimi hurt «Adys Abieba» vyjšaŭ nastupnym za «Nahualem». Dva papiarednija hurty dobry padrychtavali placoŭku, tamu salista Dzimu Ivanova sustrakali «na ura», patrabujučy lubimych kampazicyj. Hety chłopiec z dredami i chrypłym hołasam prymušaŭ absalutna ŭsich ruchacca ŭ takt jahonym rehi-kampazicyjam i pieranosicca razam ź im ŭ dalokuju Afryku ci tajemny Vaviłon.

Paśla hłybinnych piesień «Adys Abieba»

publiku čakaŭ absalutny «vynas mozhu», tamu što na scenu vyjšła «Kasijapieja». Hety hurt, jak zaŭsiody, byŭ poŭny siurpryzaŭ. Salist, adziety ŭ žanočuju biełuju sukienku i napaleonaŭskuju šlapu, nazvaŭ udzielnikaŭ hurtu «hlistami z XIX stahodździa».

Mabyć, mienavita taki vobraz muzyki vybrali na hety viečar. «Moju lubov mohiłoj nie isportiš», «Jeśli», «Činhačhuk lubvi» — hetyja pieśni daŭno stali lubimymi dla amataraŭ «inšaj» muzyki. Zychodziačy z reakcyi publiki na ich vystup, možna było zrazumieć, čamu hetamu hurtu prahnazujuć vializny pośpiech.

Nibyta łahičnym praciaham «Kasijapiei» staŭ nastupny vystup kabare-bend «Srebnaje viasielle», udzielniki jakoha taksama adznačylisia efiektnymi kaściumami i vydatnaj sceničnaj hulnioj. Salistka Śviatłana Bień, ci paprostu «Bieńka», to śpiavała francuzski šanson, to dastavała z čamadana plušavych miadźviedziaŭ.

Paśla vystupu piaci rytmičnych kamand, bližej da 3-j nočy było ŭžo ciažkavata słuchać akustyčny embijent hurtu «PartMane». I ŭsio ž bolšaść muzyčnych amataraŭ ćviorda stajała na nahach. Tym bolš, što słuchać biełaruskija hurty pryjechali hości z Rasii i Ukrainy. Ńju-džaz ad «CherryVata» znoŭ ažyviŭ publiku rytmičnymi kampazicyjami. Heta jašče adny lubimčyki publiki, jakim pradkazvajuć vialiki pośpiech za miežami krainy.

Na kaniec festu arhanizatary prychavali małady i pierśpiektyŭny hurt «Botanic Project». Hetyja chłopcy zaŭsiody padkupajuć publiku svaimi prostymi žyćciovymi tekstami ŭ rytmach rehi i prorvaj pazityŭnaj enierhii.

Noč, u jakoj «možna ŭsio», skončyłasia, ale pakinuła duch svabody. Što budzie ŭ nastupnym hodzie, pakul nieviadoma. Chaciełasia b, kab fiestyval biełaruskaj aktualnaj muzyki i nadalej pravodziŭsia ŭ Biełarusi, a nie za jaje miežami. Da taho ž, vidavočna, spatrebicca našmat bolšaja placoŭka — amataraŭ «inšaj» muzyki stanovicca ŭsio bolej.